55:306  guine,  et  opera  esse  ablutiones:  quia  Iohannes  non  dimidium  hic,  sed  totum  Christi  sanguini  assignat.  Haec  igitur  summa  est,  ut  certo  statuant  fideles  se  acceptos  esse  Deo,  quia  sacrificio  mortis  Christi  illis  placatus  est.  Sacrificium  vero,  purgationem,  expiationem,  et  satisfactionem  sub  se  continet  :  quare  horum  omnium  vis  et  effectus  in  solum  Christi  sanguinem  competit.  Quo  refellitur  sacrilegum  papistarum  commentum  de  indulgentiis.  Nam  quasi  non  sufficiat  Christi  sanguis,  martyrum  quoque  sanguinem  et  merita  in  subsidium  advocant.  Quamquam  haec  blasphemia  apud  eos  longius  patet.  Nam  quum  suas  claves,  quibus  remissionem  peccatorum  inclusam  tenent,  partim  ex  martyrum  sanguine  et  meritis,  partim  ex  supererogationis  operibus,  quibus  se  quisque  peccator  redimit,  conflatas  esse  dicant:  nulla  illis  manet  peccatorum  remissio  quae  non  sanguini  Christi  deroget.  Nam  si  locum  habeat  eorum  doctrina,  non  purgabit  nos  Christi  sanguis,  sed  tanquam  adminiculum  partiale  concurret.  Hoc  etiam  modo  pendebunt  conscientiae,  quas  hic  in  solida  fiducia  consistere  apostolus  iubet.  8.  Si  dixerimus  quod  peccatum  non  habemus,  nos  ipsos  decipimus,  et  veritas  non  est  in  nobis.  9.  Si  confitemur  peccata  nostra,  fidelis  est  et  iustusf  ut  nobis  peccata  remittat,  et  purget  nos  ab  omni  iniustitia.  10.  Si  dixerimus  quod  non  peccavimus^  mendacem  facimus  eum,  et  sermo  eius  non  est  in  nobis.  8.  Si  dixerimus.  Iam  a  necessitate  commendat  gratiam  illam.  Quia  enim  a  peccato  nemo  est  immunis,  nos  omnes  perditos  esse  ac  desperatos  significat,  nisi  Dominus  nobis  succurrat  veniae  remedio.  Haec  ratio  est  cur  tantopere  urgeat,  neminem  esse  innoxium,  quo  melius  sciant  omnes,  indigere  se  misericordia,  quae  ipsos  ab  exsiiio  liberet:  atque  ita  magis  ad  obtinendum  hoc  tam  necessarium  bonum  incitentur.  Nomine  peccati  non  tantum  prava  et  vitiosa  inclinatio  hic  notatur:  sed  culpa  quae  vere  nos  efficit  reos  coram  Deo.  Porro  quum  sit  universalis  sententia,  sequitur,  neminem  sanctorum  qui  sunt,  fuerunt,  vel  futuri  sunt,  eximi  ab  hoc  numero.  Quare  apposite  Augustinus  hoc  testimonio  Pelagianorum  cavillum  refellit:  prudenter  etiam  expendit  non  exigi  reatus  confusionem  humilitatis  causa,  sed  ne  mentiendo  nos  fallamus.  Quum  addit,  veritas  non  est  in  nobis,  suo  more  priorem  sententiam  iterando  confirmat.  Quamquam  non  est  simplex  iteratio  (ut  alibi),  sed  eos  falli  dicit,  quia  in  mendacio  glorientur.  9.  Si  confitemur.  Iterum  fidelibus  promittit  propitium  illis  Deum  fore,  modo  se  peccatores  agnoscant.  Magni  enim  interest,  ut  certo  persuasi  simus,  promptam  paratamque  nobis  esse  cum  Deo  reconciliationem,  ubi  peccavimus:  alioqui  semper  infernum  20