52:306  earum  liberos.  Nec  obstat  quod  verbum  d  i  s  c  a  n  t  est  plurale,  quum  de  vidua  loquutus  sit  Paulus  in  numero  singulari.  Numeri  enim  mutatio  satis  usitata  est  in  oratione  indefinita,  hoc  est  ubi  de  toto  genere,  non  de  individuo  tractatur.  Qui  de  viduis  accipiunt,  hunc  putant  esse  sensum:  discant  pia  familiae  administratione  beneficium  educationis,  quod  a  maioribus  acceperunt,  erga  minores  rependere.  Ita  Chrysostomus  et  alii  quidam.  Simplicius  tamen  aliis  videtur  de  liberis  et  nepotibus  accipere.  Matrem  itaque  eorum  iudicio,  aut  aviam,  materiam  esse  docet  in  qua  exerceant  suam  pietatem.  Nihil  enim  magis  est  naturale  quam  avxtTceXapyia:  quare  minime  aequum  est  eam  ab  ecclesia  impediri.  Prius  ergo  quam  oneretur  ecclesia,  faciant  illi  suum  officium.  Hactenus  retuli  quid  alii  sentiant.  Velim  tamen  lectores  expendere  an  non  aptior  sit  hoc  modo  cohaerentia:  Discant1)  pie  se  domi  gerere:  quasi  diceret  hoc  utile  fore  rudimentum  quo  se  ad  cultum  Dei  assuefaciant^  si  domi  erga  suos  piis  officiis  fungantur.  Natura  enim  praecipit  ut  parentes  nostros  secundum  Deum  colamus:  ut  haec  secundaria  pietas  ad  primam  nos  deducat.  Quia  autem  religionis  praetextu  ipsa  naturae  iura  violari  cernebat  Paulus:  ut  hoc  vitium  corrigeret,  domestico  tyrocinio  exerceri  iussit  viduas  ad  Deum  colendum.  Porro  verbum  eoaepecv  active  omnes  fere  accipiunt,  quia  sequitur  accusativus.  Verum  illa  ratio  cogit,  quia  Graecis  familiare  est,  subaudire  praepositionem.  Et  apte  contextui  quadrat  haec  expositio,2)  ut  pietatem  humanam  colendo  se  in  Dei  cultu  exerceant:  ne  stulta  et  nugatoria  devotio  (ut  loquuntur)  eas  humanitatis  sensu  exuat  Porro  viduae  mutuam  vicem  suis  maioribus  rependere  discunt,  sobolem  ab  illis  progenitam  educando.  Hoc  enim  acceptum.  Monstrum  esse  fatentur  omnes,  si  quis  ingratum  se  maioribus  praebeat.  Id  enim  dictat  sensus  naturae.  Nec  modo  ingenita  est  omnibus  haec  persuasio,  secundum  pietatis  gradum  esse  erga  parentes:  sed  ipsae  quoque  ciconiae  gratitudinem  suo  exemplo  nos  docent.  Unde  et  nomen  avitTieXapYLa.  Verum  Paulus,  eo  non  contentus,  idem  a  Deo  sancitum  esse  pronuntiat:  ac  si  diceret,  Non  est  quod  putet  quispiam  id  natum  esse  ex  hominum  opinione:  sed  Deus  ita  ordinavit.  5.  Porro  quae  vere  vidua  est  ac  desolata,  sperat  in  Deo,  et  perseverat  in  orationibus  et  obsecrationibus  noctu  et  die.  6.  Quae  autem  in  delitiis  versatur,  vivens  mortua  est  7.  Et  haec  praecipe,  ut  in'reprehensibiles  sint.  8.  Quod  si  quis  suis,  et  maxime  familiaribus  non  providet,  fidem  abnegavit  et  est  infideli  deterior.  *)  ista  translatio:  doceant  pie  se  domi  gerere.  Nam  p,avfrdcvsiv  utrumque  significat:  docere  et  discere.  2)  Doceant  matronae  liberos  aut  nepotes  pietatem  erga  familiam  exercere,  et  mutuam  vicem  rependere  maioribus.  20