50:306  Nous  voyons  donc  qu'emporte  ce  mot  ou  S.  Paul  fait  mention  de  la  grace  a  laquelle  les  Galatiens  avoyent  este  appelez.  Et  defaict  auiourd'huy  nous  sommes  plus  coulpables  que  les  peres  qui  ont  vescu  sous  la  Loy,  sinon  que  nous  demeurions  en  la  pure  doctrine  de  l'Evangile,  sans  nous  destourner  de  ce  qui  est  la  contenu.  Car  combien  sous  la  Loy  Dieu  ait  aussi  bien  appele  les  peres  a  salut,  tant  y  a  que  ce  n'a  pas  este  en  desployant  en  telle  sorte  et  abondance  Les  richesses  de  sa  misericorde,  comme  nous  les  avons  en  nostre  Seigneur  Iesus  Christ.  Adyisons  donc  bien  a  nous:  et  puis  qu'il  nous  a  desia  fait  sentir  sa  grace,  que  cela  nous  incite  et  enflamme  tant  plus  en  ceste  hardiesse,  pour  avoir  une  force  invincible  a  continuer  en  ceste  vocation,  iusques  a  ce  que  nous  soyons  parvenus  ou  Dieu  nous  convie.  Ainsi  quand  nous  ferons  comparaison  de  nous  avec  tant  de  poures  incredules  et  ignorans,  il  est  certain  que  d'autant  que  la  grace  de  Dieu  se  monstre  plus  ample  et  plus  haute  envers  nous,  que  nostre  ingratitude  s'agravera  tant  plus:  nous  verrons  beaucoup  de  poures  gens  esgarez  ca  et  la:  toutes  fois  ils  ne  laissent  pas  d'estre  subiets  a  condamnation.  Car  celuy  qui  aura  failli  sans  loy,  perira  encores.  Mais  d'autant  que  Dieu  nous  a  declare  si  familierement  sa  volonte,  et  que  nous  avons  avec  l'usage  de  discretion  la  doctrine  de  son  Evangile  qui  est  pour  nous  monstrer  (comme  i'ay  desia  dit)  que  nostre  condamnation  sera  plus  horrible,  si  nous  ne  mettons  peine  de  nous  dedier  du  tout  a  luy,  et  que  l'obligation  en  est  beaucoup  plus  estroite,  sainct  Paul  adiouste  encores  une  autre  circonstance,  c'est  que  cela  estoit  venu  bientost.  Car  de  faict,  c'est  une  chose  horrible  que  les  Galatiens  eussent  este  enseignez  par  la  bouche  du  sainct  Apostre,  et  de  son  vivant  qu'ils  se  fussent  ainsi  corrumpus.  Voila  donc  encores  pour  les  rendre  tant  plus  coulpables,  de  ce  que  trois  iours  apres  avoir  recu  l'Evangile,  ils  s'estoyent  desbauchez,  et  avoyent  mesle  beaucoup  de  fausses  opinions  parmi  la  verite  de  Dieu.  Or  ce  n'est  pas  a  dire,  quand  ils  eussent  persiste  quelque  temps  apres  le  trespas  de  sainct  Paul,  que  cela  pourtant  les  eust  absous  devant  Dieu.  Car  comme  la  verite  sur  laquelie  nostre  foy  est  appuyee  est  permanente,  encores  que  le  ciel  et  la  terre  soyent  transitoires:  ainsi  faut-il  que  nostre  foy  demeure  iusques  en  la  fin:  et  nostre  foy  ne  depend  pas  de  la  vie  ou  du  trespas  des  hommes,  mais  elle  a  son  anchre  fichee  au  ciel.  Tant  y  a  neantmoins  que  si  du  jour  au  lendemain  nous  sommes  changez,  qu'il  y  aura  plus  grande  enormite,  et  nostre  ingratitude  sera  tant  plus  vileine.  Et  mesmes  ce  que  sainct  Paul  propose  ici  en  la  personne  des  Galatiens,  se  voit  auiourd'huy  par  trop.  Car  ceux  qui  ont  este  enseignez  en  l'Evangile  se  20