49:306  cunque  fidem  sibi  haberi,  vel  audientiam  doctrinae  suae  fieri  postulat.  Nam  quum  his  rationibus  nitatur  Paulus  ad  autoritatem  sibi  vindicandam,  plus  quam  impudenter  fecerit  qui  sine  his  aliquid  esse  volet.  Sed  notandum  est,  non  satis  esse,  si  quis  tam  vocationis  titulum  quam  suam  in  exercendo  officio  fidelitatem  obtendat,  nisi  utrumque  re  ipsa  probet.  Nam  saepe  contingit  ut  nulli  fastuosius  titulis  superbiant  quam  qui  veritate  sunt  destituti:  quemadmodum  olim  alto  supercilio  pseudoprophetae  se  a  Domino  missos  gloriabantur.  Et  hodie  quid  aliud  crepant  Romanenses  quam  Dei  ordinationem  et  sacrosanctam  successionem  ab  ipsis  usque  apostolis?  sed  postea  apparet,  inanes  esse  earum  rerum  quibus  insolescunt.  Hic  ergo  non  iactantia,  sed  veritas  quaeritur.  Quum  autem  commune  sit  bonis  ac  malis  nomen  sibi  assumere:  ad  examen  veniendum  est,  ut  discamus  quisnam  vere  aut  falso  apostolum  se  appellet.  Vocationem  Pauli  testatam  fecit  Deus  pluribus  oraculis,  et  miraculis  deinde  eam  confirmavit.  Fides  inde  aestimanda  fuit,  si  puram  Christi  doctrinam  annuntiabat.  Caeterum  de  duplici  vocatione,  Dei  nempe  et  ecclesiae,  vide  Institutionem  nostram.  Apostolus.  Tametsi  ex  etymo  nomen  hoc  generalem  habet  significatum,  et  interdum  etiam  generaliter  accipitur  pro  quibuslibet  ministris:  peculiaris  tamen  appellatio  competit  iis  qui  Domini  mandato  ad  evangelium  toto  orbe  promulgandum  ordinati  erant.  Referebat  autem  eo  numero  Paulum  censeri  ob  duas  causas:  tum  quia  multo  plus  illis  deferebatur  quam  aliis  evangelii  ministris,  tum  quia  soli  proprie  hanc  potestatem  habebant,  ut  omnes  .ecclesias  instituerent.  Per  voluntatem  Dei.  Quum  libenter  soleat  apostolus  acceptum  referre  Deo  quidquid  usquam  est  boni  :  id  tamen  praecipue  facit  m  suo  apostolatu,  quo  a  se  omnem  arrogantiae  suspicionem  avertat.  Et  sane  ut  gratuita  est  vocatio  ad  salutem,  ita  etiam  ad  munus  apostolicum  gratuitam  esse  docet  Christus  his  verbis:  Non  vos  me  elegistis,  sed  ego  elegi  vos  (Iohan.  15,  16).  Simul  tamen  tacite  innuit  Paulus,  contra  Dei  ordinationem  pugnare  omnes  qui  suum  apostolatum  subvertere  conantur,  vel  eum  quoquomodo  oppugnant.  Neque  enim  Paulus  frustra  hic  honoris  titulis  se  iactat,  sed  data  opera  suum