47:306  cupide  recipit,  ut  impiis  sublata  sit  omnis  excusatio.  3.  Sciens  Iesus,  quod  omnia  dedisset  Hoc  ideo  additum  fuisse  interpretor,  ut  sciamus  unde  Christo  tam  composita  animi  quies:  nempe  quod  iam  mortis  victor  animum  ad  triumphum,  qui  mox  sequuturus  erat,  extulit.  Solent  homines  metu  perculsi  multa  agitare:  nullum  talem  in  Christo  fuisse  motum  evangelista  significat,  quia  tametsi  a  Iuda  mox  tradendus  esset,  omnia  tamen  sciebat  a  patre  sibi  esse  tradita.  Si  quis  roget,  quomodo  igitur  postea  eousque  moeroris  redactus  fuerit  ut  sanguinem  sudaret,  respondeo,  utrumque  fuisse  necessarium  ut  mortem  horreret,  ac  nihilo  minus  intrepide  perageret  omnes  mediatoris  partes.  4.  Posuit  vestes.  Superiorem  tantum  vestem  ab  eo  depositam  fuisse  intellige,  non  tunicam.  Scimus  enim  Orientales  oblongis  vestibus  fuisse  usos.  Quae  paulo  post  sequuntur  verba,  coepit  lavare  pedes  ete,  consilium  potius  Christi  quam  externum  actum  exprimunt.  Nam  subiicit  evangelista  eum  a  Petro  exorsum  esse.  6.  Domine,  tu  mihi  lavas  pedes?  Oratio  est  abominantis  rem  absurdam  et  indignam.  Nam  interrogando  quidnam  faciat  Christus,  quasi  manum  illi  iniicit.  Laudabilis  quidem  modestia,  nisi  quovis  cultu  atque  honore  potior  obedientia  esset  apud  Deum:  imo  nisi  haec  vera  et  unica  humilitatis  regula  esset,  subiicere  nos  in  obsequium  Dei,  et  sensus  omnes  nostros  habere  eius  arbitrio  devinctos,  ut  quidquid  sibi  placere  pronuntiat  nobis  quoque  absque  ulla  controversia  probetur.  Imprimis  ergo  lex  ista  rite  colendi  Dei  tenenda  est,  ut  parati  simus  absque  mora  subscribere,  simul  atque  aliquid  mandat.  7.  Quod  ego  facio.  His  verbis  docemur  simpliciter  obsequendum  esse  Christo,  etiamsi  non  appareat  ratio,  cur  hoc  vel  illud  fieri  velit.  In  domo  bene  morata  consilium  est  penes  unum  patremfamilias:  illi  servos  decet  manus  ac  pedes  impendere.  Nimis  ergo  fastuosus  est,  qui  Dei  imperium  detrectat,  cuius  ratio  ei  nota  non  fuerit.  Quin  etiam  latius  patet  ista  admonitio,  ne  scilicet  nescire  nobis  molestum  sit  quae  Deus  vult  nobis  esse  ad  tempus  abscondita.  Nam  quavis  scientia  doctior  est  haec  ignorantiae  species,  quum  Domino  concedimus  ut  supra  nos  sapiat.  8.  Dicit  ei  Petrus:  Non  lavabis  pedes  meos  in  aeternum.  Respondit  ei  Iesus:  Si  non  lavero  te,  non  habebis  partem  mecum.  9.  Dicit  ei  Simon  Petrus:  Domine,  non  pedes  meos  solum  j  sed  et  manus  et  caput.  10.  Dicit  ei  Iesus:  Qui  lotus  est,  non  opus  habet  lavari,  nisi  pedes,  sed  mundus  est  totus:  et  vos  mundi  estis,  sed  non  omnes.  l  l  .  Noverat  enim  proditorem  suum:  propterea  dixit:  Non  omnes  mundi  estis.  20