20:306  4107.  BULLINGERUS  BEZAE.  Calvini  morbus  deploratus  maximo  eum  dolore  afficit  (Ex  autographo  Cod.  Genev.  120,  fol.  22.)  Clarissimo  viro  D.  Theodoro  Bezae  Genevensis  ecclesiae  ministro  fideli,  domino  meo  colendo  et  fratri  carissimo.  S.  D.  Quamvis  literae  tuae,  frater  in  Domino  carissime,  semper  me  exhilararunt,  subitum  tamen  dolorem  renovant  propter  D.  Calvini  morbum  desperatum  quem  deploras  merito:  quum  universa  Christi  ecclesia  in  hoc  uno  homine  mortuo  iacturam  faciat  nunquam  reparabilem,  nostro  maxime  saeculo  perturbatissimo.  Orandum  video  nobis  Dominum  ut  is  virtute  sua  nos  sustentet.  Ac  minime  dubitandum  est  affuturum  hunc  tibi  quando  manifesta  exstant  signa  plurima,  illum  omnino  velle  ut  ei  tu  succedas.  Si  vivit  adhuc  D.  Calvinus  tu  illi  ex  me,  imo  a  Domino,  omne  bonum  precaberis.  Oro  Dominum  Iesum  ut  si  illum  nolit  amplius  vivere  hic,  in  aeterna  vita  mox  mutuum  videamus  et  in  servator��  nostro  et  cum  omnibus  sanctis  exsultemus.  Tiguri  12.  Maii  1564.  Bullingerus  tuus.  Calvini  opera.  Vol  XX.  4108.  BEZA  BULLINGERO.  Quantumvis  magnae  sint  hostium  minae,  magis  tamen  angit  Calvini  diserimen  iam  ineluctabile,  (faius  fortissimi  athletae  etiam  in  morte  virtus  clarissima.  (Ex  autographo  Cod.  Gener.  118,  fol.  151.)  Eximio  Christi  servo  D.  Henrico  Bullingero  ecclesiae  Tigurinae  vere  fido  pastori  domino  et  patri  mihi  plurimum  observando.  Mi  pater,  rogo  ut  brevitati  ignoscas.  Valemus  satis  recte  omnes  et  feliciter  omnia,  quantumvis  hostes  minentur  omnia  magis  ac  magis,  et  paene  vivos  nos  deglutiant.  Sed  manet  perpetua  illa  nostra  20