15:306  deram.  Hic  Landgravius,  qui  ob  suam  digamiant  male  sibi  conscius  se  Carolo  serviliter  dediderat,  ne  eadem  digamia,  vel  potius  dysgamia,  in  discrimen  veniret,  animum  subito  collegit.  Ita  haec  mitigatio  omnium  fere  suffragiis  recepta  fuit.  Nam  Ampsdorphii  clamor,  qui  in  Bucerum  exarserat,  non  tantum  contemptus,  sed  etiam  derisus  fuit.  Quanquam  autem  nihil  inde  esset  periculi,  ut  tamen  vestro  timori  sucourrerem,  locum  mutavi:  prorsus  omittere  confessionis  mentionem  visum  non  est:  ut  qui  nobis  accedent,  non  putent,  se  ab  ea  discedere.  Privatis  interea  scriptis  diserte  ianuam  praeclusi:  in  quibus  est  Apologia,  quae  autori  quoque  suo  ita  displicet  in  hac  parte  ut  nos  sibi  minime  cupiat  subscribere  vel  suffragari.  In  eo  loco  ubi  nego,  promiscue  omnibus  prodesse  sacramenta,  sed  ubi  Deus  efficaciter  pro  suo  beneplacito  agit:  ignoscite,  si  neque  expunxi,  quae  recte  et  tempestive  a  me  scripta  putabam,  neque  ad  verbum  intexui  quaecunque  inserta  velletis.  Nam  illa  Augustini  descriptio,  ubi  dicit  corpus  Christi  esse  societatem  fidelium,  ut  est  mutila  et  obscura,  suspicionem  multis  non  malis  iniiceret,  oblique  et  astute,  quod  de  capite  Christo  dicendum  erat,  traduci  ad  ecclesiam.  Verum,  si  omnia  propius  expenderitis,  sic  a  me  correcta  vel  inflexa  reperietis  quae  vobis  non  placebant,  ut  facile  constet,  non  fuisse  praefractum,  vel  consiliis  vestris  immorigerum.  In  quatuor  etiam  vel  quinque  proxime  sequentibus  locis  vobis  satisfactum  esse  confido.  Cum  modo  ineffabili  et  incomprehensibili  non  pugnat  illa  quam  posuimus  definitio.  Neque  enim  si  quid  nobis  verbo  suo  Deus  aperuit  protinus  sensu  nostro  comprehendi  vel  lingua  exprimi  potest.  Bene  enim  nobiscum  agitur  si  bonorum  spiritualium  altitudinem  nunc  animae  nostrae  delibant.  Atqui  quum  nostra  cum  Christo  unio,  altitudinem,  profunditatem,  latitudinem  et  longitudinem,  quas  Paulus  praedicat  in  Epistola  ad  Ephesios,  in  se  contineat,  plenam  eius  notitiam  necesse  est  in  diem  ultimum  differri,  quo  videbimus  facie  ad  faciem.  Mentiar  ergo  si  profiteri  audeam,  me  penitus  modum  tenere.  Et  quid  sibi  vult  illud  Pauli  magnum  mysterium,  nisi  ut  nos  rei  magnitudine  obrutos  in  admirationem  attollat?  Quare  non  est  cur  abhorreamus  a  vocibns  quarum  usum  simplex  rei,  de  qua  agitur,  natura  necessario  postulat.  Miracula  quae  superstitiosi  homines  fingunt,  si  respuere  vobis  in  animo  est,  consentio.  Sed  nihil  mysterii  agnoscere,  id  vero  ab  arcana  spiritus  virtute,  quam  toties  celebramus,  nimis  dissidet.  Caeterum  paucis  verbis  mutatis  scrupulum  exemisse  videor.  In  voce  quoque  realiter  lecta  mea  correctione  non  amplius,  ut  spero,  haercbitis.  Quia  silentium  pro  latebris  habitum  esset,  eam  prorsus  omittere  meo  iudicio  non  licebat.  Pertinacius  autem  negando,  20