1:306  sime  suo  praeconio  extulit,  ita  magno  saeculorum  prope  omnium  applausu  fuit  exceptus.  Sed  enim  quaecunque  talis  est  humanae  excellentiae  commendatio,  quae  hominem  in  se  acquiescere  doceat,  nihil  aliud  quam  suavitate  illa  sua  delicias  facit;  et  sic  quidem  illudit  ut,  qui  assentiuntur,  eos  pessimo  exitio  perdat.  Quorsum  enim  pertinet,  vana  omni  fiducia  fretos  deliberare,  instituere,  tentare,  moliri,  quae  putamus  ad  rem  pertinere,  et  defici  quidem  ac  destitui  tum  sana  intelligentia,  tum  vera  virtute  inter  primos  conatus,  pergere  tamen  secure,  donec  in  ruinam  1)  corruamus?  Atqui  non  aliter  succedere  iis  potest  qui  se  aliquid  posse  propria  virtute  confidunt.  Talibus  ergo  magistris,  qui  reputandis  tantum  bonis  nostris  nos  detinent,  si  quis  auscultet,  non  in  sui  cognitionem  proficiet,  sed  in  pessimam  ignorationem  abripietur.  4.  Ergo  quum  in  hoc  consentiat  Dei  veritas  cum  publico  omnium  mortalium  sensu,  secundam  sapientiae  partem  in  nostri  cognitione  repositam  esse,  in  ipsa  tamen  cognoscendi  ratione  magnum  est  dissidium.  Tunc  enim  homo  iudicio  carnis  probe  sibi  exploratus  videtur,  quum  et  intelligentia  et  integritate  sua  confisus  audaciam  sumit,  ac  sese  incitat  ad  virtutis  officia,  et,  indicto  vitiis  bello,  ad  id  quod  pulchrum  et  honestum  est  toto  studio  incumbere  conatur.  Qui  autem  se  ad  amussim  divini  iudicii  inspicit  et  examinat,  nihil  reperit  quod  animum  ad  bonam  fiduciam  erigat,  ac  quo  penitius  se  excussit,  eo  magis  ac  magis  2)  deiicitur;  donec  omni  fiducia  prorsus  abdicatus  nihil  sibi  ad  vitam  recte  instituendam  relinquit.  5.  Neque  tamen  hic  negamus  esse  inditam  naturae  nostrae  aliquam  nobilitatem,  quae  nos  ad  iustitiae  honestatisque  studium  merito  expergefacere  debeat.  Non  enim  possumus  aut  primam  nostram  originem,  aut  quorsum  conditi  sumus,  cogitare,  quin  ad  meditandam  immortalitatem  expetendumque  Dei  regnum  pungamur.  Sed  tantum  abest  ut  animos  nobis  faciat  ista  recognitio,  ut  potius  submissis  illis  ad  humilitatem  modestiamque  deducat.  Quae  enim  illa  est  origo?  nempe  a  qua  excidimus.  Quis  ille  creationis  nostrae  finis?  a  quo  penitus  aversi  sumus,  ut  miserae  nostrae  sortis  pertaesi  ingemiscamus;  ingemiscendo,  ad  perditam  illam  dignitatem  suspire-  1)  exitium  1553  seq.  2)  ac  magis  om.  1543  seqq,  20