7:305  305  CALUMNIAS.  306  Tandem  finis  disputationi  impositus  fuit.  Quo  tempore,  ut  disputationem  totam  iuxta  Farelli  mentem  concluderet,  sibi  minaciter  a  Farellistis  denunciatum  et  se  a  syndicis  rogatum  fuisse  mentitur.  Petitum  quidem  est,  idque  tam  publice  quam  privatim,  ut  consensum  illum,  quem  toties  ore  testatus  erat,  subscriptione  approbaret,  non  ut  iudex  aut  arbiter,  nec  denique  ut  autoritate  ulla  praeditus,  sed  ut  constaret  etiam  posteris  fuisse  illi  satisfactum.  Id  se  facturum  negavit,  fateor,  sed  nequaquam  hac  ratione  usus  est  quam  nunc  obtendit.  Hanc  enim  excusationem  attulit,  [pag.  26]  quod  nollet  sibi  reditum  in  Galliam  ante  tempus  praecludere,  veniamque  sibi  dari  petiit,  si  ad  alia  se  reservaret.  Sed  quum  illinc  Basileam  venisset,  addidit  alteram  sibi  negandi  causam  fuisse,  quod  nollet  hanc  palmam  concedere  Farello  et  Vireto,  eos  in  certamine  fuisse  superiores.  Ita  ipsum,  propria  eius  confessione,  vel  metus  indignus  homine  christiano,  vel  stulta  ambitio  ab  officio  impedivit.  Et  adhuc  hic  furcifer  dignus  tribus  suspendiis  de  saevitia  Farelli  queritur,  quod  eum  literis  notaverit.  Nec  contentus  hac  calumnia  crimen  impingit  Farello,  quod  etiam  inimici  improbe  confictum  esse  agnoscent.  Farellum  enim  principem  sicariorum  facit,  a  cuius  satellitio  confodiendus  fuerit,  nisi  clam  et  cito  ausugisset.  O  nequitiam.  Et  hic  mihi  argumentis  refellendus  est,  qui  nullum  turpitudinis  suae  sensum  habet?  Quod  si  quid  iudicii  habent  papistae,  male  profecto  rebus  suis  consuli  agnoscent,  si  eum  sustineant  ad  causam  suam  aggregare.  Quis  enim  recipiat,  Farellum  caedibus  et  latrociniis  grassari?  satellitibus  cinctum  esse  qui  homines  in  lectulis  suis  confodiant?  Quis  vel  improbissimus  inimicorum  eius,  quum  plurimos  habeat,  et  quidem  ad  mentiendum  plus  satis  audaces,  hoc  unquam  in  eum  fingere  ausus  est?  Vita  enim  hominis  adeo  abhorret  ab  hoc  crimine,  ut  etiam  qui  eum  capitaliter  oderunt,  non  possint  non  respuere,  si  illi  obiectum  esset.  Nisi  forte  [pag.  27]  quempiam  moveat  Caroli  autoritas,  ut  persuadeatur  album  esse  nigrum  eo  loquente,  quem  tertio  quoque  verbo  mendacium  aliquod  effutire  iam  ante  demonstratum  est.  Et  unde  tantum  Farelli  scelus  compertum  habere  se  dicit?  Delatum,  inquit,  ad  me  est  per  quemdam,  cuius  nomini  parco.  Ita  etiam  sine  teste  et  sine  ulla  coniectura  sibi  fidem  vult  haberi.  Quanquam  ne  tam  stupidum  quidem  esse  puto  ut  persuasurum  se  speret,  sed  hac  tantum  spe  ducitur,  nisi  fallor,  quod  similes  fore  aliquos  sui  non  dubitat  qui  Farello  maledici,  etiam  absque  ullo  veritatis  colore,  gaudeant.  Quid  si  etiam  testem  refellendo  Caroli  mendacio,  Carolum  ipsum  advocemus?  Et  certe  praestat,  ne  cui  haereat  ullus  scrupulus.  Vivunt  enim  hodie  complures  graves  et  honesti  viri,  qui  Basileae  tunc  erant,  quum  venit  Carolus.  Causam  relictae  Ge-  Calvini  opera.  Voi.  VIL