6:305  BE  LIBERO  ARBITRIO.  ipsam  praeveniat  voluntatem:  quae  si  non  esset,  non  praepararetur  voluntas  a  Domino,  Item  quum  alibi  scripsisset,  in  potestate  nostra  esse,  quid  velimus,  retractat  etiam  hoc  modo:  l)  Sed  hanc  quoque  ad  bene  vivendum  desuper  accipimus  potestatem,  quum  praeparatur  a  Domino  voluntas.  Quibus  funibus  haec  verba  trahet  Pighius,  ut  cum  impio  suo  commento  cohaereant?  Voluntati  nihil  ablatum  esse  vult  per  originale  peccatum,  nisi  [pag.  101  j  dominium  in  membra  corporis:  quod  autem  ad  malum  quam  ad  bonum  sit  propensior,  id  socordia  et  ignavia  pravaque  consuetudine  evenire,  non  quia  resistendi  facultatem  non  habeat.  Augustinus  vero  reclamat,  malam  esse  voluntatem:  ac  teneri  sub  malo  captivam  donec  liberetur.  Et  tamen  tam  deploratae  impudentiae  est  hic  canis,  ut  Augustino  ignominiam  hanc  inurere  ausit,  qua^i  eum  haberet  suae  impietatis  patronum.  Deinde  in  cupiditatibus  carnis  vincendis,  primas  voluntati  partes  concedit,  quasi  haec  pugnam  incipiat:  deinde  gratiam  Dei  adiutricem,  quasi  in  subsidium,  illi  adiungit.  Ubique  autem  reclamat  Augustinus,  nihil  praeter  malum  concipere  voluntatem,  donec  spiritu  praevenitur.  Atque  ita  etiam  in  concilio  Arausicano  decretum  est:  Si  quis,  ut  a  peccato  purgemur,  voluntatem  nostram  Deum  exspectare  contendit,  non  autem,  ut  purgari  velimus,  per  spiritus  sancti  operationem  in  nobis  fieri  confitetur,  eum  spiritui  sancto  adversari.  Quum  tantum  se  ecclesiae  deferre  fingat,  quid  nunc  subterfugii  inveniet,  quum  ub  orthodoxa  synodo  hostis  spiritus  sancti  pronuncietur?  Deinde  sic  impediri  voluntatem  existimat  carnis  repugnantia,  ut  superior  tamen  esse  queat  in  certamine,  si  vires  suas  experiretur:  et  quum  etiam  illecebris  carnis  tenetur  irretita  tantum,  ideo  requiri  fingit  auxilium  gratiae  ad  eam  in  recuperando  suo  iure  adiuvandam,  quia  non  facile  alioqui  possit  victoriam  obtinere.  De  necessitate  nulla  mentio.  Quid  autem  de  ea  re  censuerunt  veteres?  Exstat  decretum  Milevitanae  synodi  in  haec  verba,  quod  in  conciliis  africanis  repetitur:  Quicunque  dixerit,  ideo  nobis  dari  iustificationis  gratiam,  ut  quod  iubemur  per  liberum  arbitrium,  facilius  possimus  per  gratiam  implere,  tanquam  sine  gratia  possimus,  etsi  difficulter,  anathema  sit.  Tametsi  illa  verborum  fulmina  non  iaculor,  quibus  in  nos  desaevit  Pighius,  spero  tamen  ex  hac  oratione  satis  fore  perspicuum,  quam  hoc  novum  eius  [pag.  102]  delirium  ab  Augustini  sensu  alienum  sit  ac  remotum:  cuius  nomine  illud  praetexere,  mira  confidentia,  audet.  Quantopere  autem  cum  tota  scriptura  pugnet,  operae  pretium  ostendere  foret,  nisi  libro  quinto  1)  Retract.  L  I.  Calvini  opera.  Vol,  VI.