55:305  305  CAPUT  I.  306  illum  colit,  etiamsi  in  multis  delinquat,  gematque  sub  carnis  onere,  in  luce  ambulare  censetur:  quia  rectam  viam  tenet.  Sola  igitur  est  conscientiae  integritas,  quae  lucem  a  tenebris  discernit.  M  sanguis  Iesu  Christi.  Postquam  docuit  quale  sit  nostrae  cum  Deo  unitatis  vinculum,  fructum  quoque  inde  manantem  demonstrat:  nempe  quod  tunc  gratuito  nobis  remittuntur  peccata.  Haec  autem  est  illa  beatitudo,  quam  David  psalmo  tricesimosecundo  describit:  ut  sciamus  nos  esse  miserrimos,  donec  spiritu  Dei  regeniti  puro  corde  illi  serviamus.  Quid  enim  miserius  homine  fingi  potest,  quem  Deus  odio  et  abominationi  habet,  cuius  capiti  simul  cum  ira  Dei  incumbit  mors  aeterna?  Insignis  est  hic  locus,  ex  quo  primum  discimus,  tunc  ad  nos  proprie  pertinere  expiationem  Christi  morte  partam,  quum  iustitiam  recto  cordis  affectu  colimus.  Neque  enim  redemptor  est  Christus,  nisi  iis  qui  ab  iniquitate  conversi,  novam  vitam  instituunt.  Quare  si  Deum  cupimus  habere  propitium,  ue  peccatis  ignoscat,  non  debemus  ipsi  nobis  ignoscere.  Denique  a  poenitentia  non  potest  avelli  peccatorum  remissio,  nec  pax  cum  Deo  potest  esse  conscientiis,  ubi  non  regnat  Dei  timor.  Docet  secundo  hic  locus,  gratuitam  peccatorum  veniam  non  semel  tantum  nobis  dari,  sed  hoc  beneficium  perpetuo  in  ecclesia  residere,  et  quotidie  offerri  fidelibus.  Nam  apostolus  hic  alloquitur  fideles:  ut  certe  nemo  unquam  fuit,  nec  futurus  est  qui  possit  aliter  placere  Deo,  quum  omnes  sint  reatus  obstricti  apud  Deum.  Qualecunque  enim  in  nobis  sit  recte  agendi  studium,  semper  claudicando  ad  Deum  tendimus.  Porro  quidquid  dimidium  est,  laudem  apud  Deum  non  meretur.  Interea  novis  subinde  peccatis,  quantum  in  nobis  est,  abdicamus  nos  a  T)ei  gratia:  ita  fit  ut  quotidiana  peccatorum  remissione  opus  habeant  sancti  omnes,  quia  haec  sola  in  Dei  familia  nos  retinet.  Quum  dicit  ab  omni  peccato,  significat  multis  nominibus  coram  Deo  nos  esse  reos  :  ut  certe  nemo  est  qui  non  pluribus  vitiis  laboret:  caeterum  piis  ac  Deum  timentibus  nulla  peccata  obstare  docet  quominus  Deo  placeant.  Modum  etiam  impetrandae  veniae,  et  purgationis  causam  demonstrat:  nempe  quia  peccata  nostra  Christus  sanguine  suo  expiavit.  Sed  pios  omnes  indubie  huius  purgationis  fore  participes  affirmat.  Haec  tota  pars  doctrinae  impie  corrupta  fuit  a  sophistis:  gratuitam  enim  peccatorum  veniam  nobis  tantum  in  baptismo  dari  fingunt.  Illic  solum  Christi  sanguinem  valere  fatentur:  sed  a  baptismo  non  aliter  nos  Deo  reconciliari  tradunt  quam  per  satisfactiones.  Relinquunt  et  hic  quidem  sanguini  Christi  partem  aliquam  :  sed  quum  operibus  vel  ex  minima  parte  laudem  assignant,  munus  expiandi  peccata  Deumque  placandi  prorsus  evertunt,  quod  hic  dicit  Iohannes.  Nunquam  enim  haec  inter  se  convenient,  mundari  nos  Christi  san-  Calvini  opera.  Vol  LV.