52:305  305  CAPUT  V.  306  tiis.  Medicina  est  correctio,  quae  semper  amari  aliquid  habet,  ideoque  minus  adlubescit:  deinde  quia  iuvenis  erat  Timotheus,  minus  tolerabilis  fuisset  cius  severitas,  nisi  admodum  temperata.  Praecipit  ergo  ut  maiores  natu  reprehendat  tanquam  parentes.  Imo  utitur  mitiore  verbo,  h  o  r  t  a  n  d  i  scilicet.  Fieri  autem  nequit  quin  reverentia  tangamur,  ubi  repraesentamus  nobis  ob  oculos  patris  vel  matris  personam.  Ita  fit  ut  in  locum  durioris  vehementiae  mox  succedat  modestia.  Notandum  tamen  quod  non  ita  parci  vult  senibus  aut  indulgeri,  ut  impune  et  sine  ��orrectione  peccent:  tantum  vult  eorum  aetati  haberi  nonnihil  honoris,  quo  aequiore  animo  se  admoneri  sinant.  Quin  etiam  in  minore  aetate  vult  moderationem  adhiberi,  tametsi  non  aequali  modo.  Semper  enim  oleo  temperandum  est  acetum.  Sed  hoc  interest,  quod  maioribus  deserenda  est  reverentia,  aequales  fraterna  mansuetudine  excipi  debent.  Hinc  admonentur  pastores,  non  muneris  tantum  habendam  esse  rationem,  sed  peculiariter  etiam  videndum  esse  singulis  quid  aetatem  suam  deceat.  Neque  enim  eadem  omnibus  conveniunt.  Veniat  ergo  illud  in  mentem,  si  decorum  servant  in  scena  histriones,  non  esse  pastoribus  in  tam  excelso  loco  negligendum.  Particula,  cum  omni  c  a  s  t  i  t  a  t  e  ,  ad  iuniores  pertinet.  Nam  in  illa  aetate  semper  timenda  est  omnis  suspicio.  Neque  tamen  vetat  Paulus  ne  quid  Timotheus  agat  libidinose,  aut  ne  lasciviat  cum  iuvenculis  (hac  enim  prohibitione  non  fuit  opus),  sed  tantum  praecipit  cavendum  ne  improbis  detur  obloquendi  ansa.  Quod  ut  fiat,  requirit  castam  gravitatem  quae  reluceat  in  omni  congressu  et  colloquio:  quo  liberius  cum  iuvenibus  communicet  absque  ulla  sinistra  fama.  3.  Viduas  honora.  Honoris  nomen  hoc  loco  non  quamvis  observantiam  significat,  sed  peculiarem  curam  quam  suscipiebant  episcopi  in  vetere  ecclesia.  Recipiebantur  enim  viduae  in  ecclesiae  fidem,  ut  ex  publico  alerentur.  Tantundem  ergo  valet  haec  loquutio  ac  si  dixisset,  in  eligendis  viduis,  quae  sint  sub  tua  et  diaconorum  cura,  earum  tibi  habenda  est  ratio,  quae  v  e  r  e  sunt  viduae.  Qualis  autem  fuerit  earum  conditio,  fusius  deinde  tractabimus.  Hic  tamen  notanda  est  ratio  cur  Paulus  non  admittat  nisi  prorsus  viduas  et  orbas  simul,  quae  sobole  sint  destitutae.  Nam  ea  conditione  se  ecclesiae  addicebant,  ut  abdicarent  se  omni  privata  familiae  cura,  et  omnia  impedimenta  abiicerent.  Proinde  merito  Paulus  matresfamilias  recipi  prohibet,  quae  iam  diverso  officio  obstructae  sunt.  Quum  nominat  vere  viduas,  allusio  est  ad  nomen  graecum  quod  deducitur,  ano  TOU  yYipouo&oa,  quod  est  destitui  et  privari.  4.  Siqua  vidua.  Varie  exponitur  hic  locus,  inde  autem  nascitur  ambiguitas,  quod  posterius  membrum  tam  ad  viduas  referri  potest,  quam  ad  Calvini  opera.  Vol,  LII,