51:305  305  SUR  L'EPITRE  AUX  EPHESIENS.  306  Or  S.  Paul  adiouste  derechef  une  autre  similitude,  disant  que  l'Esprit  de  Dieu  est  comme  un  arre.  Et  ne  trouvons  point  estrange  que  sainct  Paul  a  tant  conferme  ceste  doctrine:  pource  que  le  diable  n'a  cesse  des  le  commencement  du  monde  de  tousiours  enfler  les  hommes  de  quelque  fole  opinion  de  leur  sagesse  et  de  leur  vertu:  c'a  este  la  cause  de  la  ruine  d'Adam,  quand  il  s'est  voulu  eslever  plus  qu'il  ne  luy  estoit  licite,  quand  il  a  voulu  estre  plus  sage  que  Dieu,  il  ne  luy  a  point  permis.  Ainsi  en  est-il  de  nous:  et  le  diable  poursuit  tousiours  ce  combat.  Car  voila  comme  il  a  peu  abysmer  le  genre  humain  par  ceste  astuce-la:  et  maintenant  il  ne  tasche  sinon  de  nous  faire  accroire  que  nous  pouvons  ceci  et  cela.  Il  a  donc  falu  que  sainct  Paul  despouillast  les  hommes  de  ceste  fausse  opinion  et  maudite  de  leur  franc-arbitre,  de  leurs  propres  vertus,  et  leur  monstrast  qu'ils  tenoyent  tout  du  sainct  Esprit.  Voila  pour  un  item.  Or  en  second  lieu,  nous  sommes  si  rudes  et  si  terresres,  que  nous  avons  besoin  qu'on  nous  masche  la  doctrine,  et  n'y  pouvons  rien  concevoir  sinon  que  nous  voyons  a  l'oeil  et  touchions  a  la  main  les  graces  de  Dieu  qui  sont  invisibles.  Il  a  donc  este  besoin  que  sainct  Paul  par  similitudes  nous  declarast  comment  l'Esprit  de  Dieu  est  celuy  qui  nous  met  en  possession  de  l'Evangile  et  de  tous  les  biens  qui  y  sont  contenus,  et  qui  nous  y  entretient  iusques  en  la  fin.  Or  nous  scavons  que  les  contracts  sont  confermez  en  donnant  arres,  qu'on  appelle  le  denier  a  Dieu.  Si  donc  on  achete  ou  prez,  ou  maisons,  ou  heritages,  ou  marchandise,  combien  que  la  seule  parole  doyve  bien  suffire,  si  est-ce  pource  que  les  hommes  sont  si  malins,  que  s'ils  sentent  dommage  en  quelque  ehose,  iis  n'auront  point  honte  de  se  desdire:  voila  pourquoy  ceste  ceremonie  a  este  adioustee  de  donner  arres:  et  c'est  autant  comme  si  on  avoit  accompli  tout  le  payement,  ec  que  le  marche  ne  se  peust  plus  retracter.  Sainct  Paul  donc  dit  ici  que  l'Esprit  de  Dieu  est  pour  nous  ratifier  pleinement  nostre  salut.  Et  pourquoy?  Il  dit,  Pour  vostre  heritage,  au  iour  de  vostre  redemption.  Il  est  vray  que  desia  estans  enfans  de  Dieu,  nous  sommes  ses  heritiers  :  mais  nous  avons  a  noter  ce  qui  est  dit  au  huitieme  chapitre  des  Romains,  Que  nostre  salut  est  enclos  en  esperance.  Ainsi,  nous  ne  le  pouvons  pas  voir  maintenant  et  n'en  iouissons  pas,  comme  aussi  il  le  dit  au  troisieme  chapitre  des  Colossiens,  Que  nous  sommes  semblables  a  des  morts  et  trespassez,  et  que  nostre  vie  est  cachee  avec  Dieu  en  lesus  Christ.  Estans  donc  enfans  de  Dieu,  nous  n'avons  pas  encores  pleine  iouissance.  Et  c'est  aussi  bien  ce  que  dit  sainct  Iean  en  sa  Canonique,  Nous  scavons  (dit-il)  monstrant  que  nostre  toy  n'est  point  douteuse:  mais  il  adiouste,  qu'il  n'est  pas  encores  Calvini  opera.  Vol.  LL