50:305  305  SUR  L'EPITRE  AUX  GALATES.  306  de  Dieu  son  Pere.  Or  l'Evangile  nous  monstre  pourquoy  il  est  venu,  quel  est  son  office,  les  biens  que  nous  recevons  de  luy,  quelle  est  sa  vertu  envers  nous  :  et  pourtant  si  nous  n'avons  la  pure  doctrine  et  simple  en  laquelle  nostre  Seigneur  Iesus  a  este  manifeste,  il  est  certain  que  nous  n'avons  rien:  et  quand  nous  y  aurons  este  enseignez,  il  nous  y  faut  tenir  iusques  au  bout.  Car  si  nous  en  declinons  tant  peu  que  ce  soit,  il  n'y  aura  plus  que  desioyaute  en  nous.  Et  de  faict,  il  nous  faut  souvenir  de  ceste  cheute  si  horrible  en  laquelle  nous  sommes  tombez  avec  les  autres,  quand  nous  avons  este  plongez  en  tant  d'erreurs,  et  en  tant  de  tromperies  et  illusions  de  Satan,  que  Iesus  Christ  nous  estoit  du  tout  incognu.  Puis  que  Dieu  maintenant  par  sa  bonte  infinie  nous  a  retirez  d'un  tel  abysme,  pensons  d'avoir  une  foy  constante  et  ferme,  pour  ne  point  estre  esbranlez  comme  roseaux  a  tous  vents  :  mais  que  nous  demeurions  fichez  en  ceste  racine  de  l'Evangile,  fondez  sur  la  vertu  invincible  de  nostre  Seigneur  Iesus  Christ:  et  puis  qu'en  luy  toutes  les  promesses  de  Dieu  sont  Ouy  et  Amen,  et  qu'elles  y  ont  leur  verite,  qu'elles  y  sont  accomplies,  qu'aussi  nostre  foy  demeure  la  constante.  C'est  ce  que  nous  avons  a  retenir  de  ce  passage  de  S.  Paul.  Au  reste  pour  faire  plus  grande  honte  aux  Galatiens,  il  leur  propose  la  vocation  de  grace.  On  peut  rapporter  ce  mot  qu'il  dit,  de  celuy  qui  vous  a  appelez,  tant  a  Iesus  Christ  qu'a  Dieu  le  Pere,  car  en  cela  il  n'y  a  pas  grand  interest.  Mais  cependant  nous  voyons  en  somme  ce  que  sainct  Paul  a  voulu  dire:  II  reproche  donc  aux  Galatiens  leur  vilenie:  pource  qu'il  y  a  tant  moins  d'excuse  de  s'estre  ainsi  desbauchez,  attendu  la  bonte  que  Dieu  avoit  desployee  sur  eux.  Car  si  Dieu  nous  appelle,  encores  que  ce  fust  pour  nous  adiourner  a  nostre  confusion,  si  est-ce  entant  que  nous  sommes  ses  creatures,  que  nous  luy  devons  obeissance.  Il  faut  que  nous  soyons  subiets  a  son  empire,  quoy  qu'il  dispose  de  nous,  c'est  tousiours  nostre  office  de  luy  demander,  Que  te  plaist-il,  Seigneur?  me  voici:  tellement  que  d'user  de  subterfuges  quand  Dieu  nous  appelle,  cela  est  pervertir  tout  ordre.  Mais  encores  quand  Dieu  non  seulement  nous  appelle  a  soy,  mais  qu'il  nous  propose  tous  les  thresors  de  sa  bonte  en  nostre  Seigneur  Iesus  Christ,  et  qu'il  declare  qu'il  ne  demande  sinon  que  nous  soyons  siens,  se  donnant  ainsi  volontairement  a  nous:  quand  Dieu  use  d'une  telle  liberalite  qui  doit  ravir  tous  nos  sens  en  admiration,  ne  faut-il  pas  que  nous  soyons  par  trop  lasches  de  reculer?  Et  encores  apres  que  nous  en  serons  approchez,  s'il  nous  advient  de  nous  esgarer  ca  et  la  tant  moins  aurons  nous  d'excuse,  et  sentirons  une  plus  griefve  condamnation,  et  plus  horrible,  comme  desia  i'ay  touche.  Calvini  opera.  Vol.  L.