5:305  DE  SACERDOTIO  PAPALI  ABIICIENDO.  purgatorii  flamma,  calere  hac  parte  culina  vestra  non  potest:  quo  exstincta,  tantundem  remittatur  oportet.  Nam  hominum  quidem  oculis  praestigias,  quibus  ludificentur,  offundere  promptum  est:  ad  Dei  autem  tribunal  ubi  causa  vestra  vocata  fuerit,  quemadmodum  certe  olim  vocabitur,  solo  furti  praedaeque  titulo  praetexta  corruet.  Quae  autem  donariorum  et  anathematum  nomine  templis  oblata  in  crumenas  vestras  recidunt  (quod  tertium  fecimus  vestrarum  opum  genus)  sic  anathemate  referta  sunt  omnia,  ut  ad  ipsum  contactum  vos  non  exhorrescere  valde  mirer.  Quibus  idolis,  quanta  cum  Dei  contumelia,  qua  superstitione  offerantur,  vobis  clam  non  est.  Quo  tamen  haec  quasi  vobis  dicata  devoretis,  vos  talium  sacrorum  mystas  et  antistites  profiteri  nihil  pudet.  O  Roma  (ut  uno  verbo  Radicem  Omnium  Malorum  Avaritiam  1)  complectar)  quot  alioqui  non  male  nata  ingenia  corrumpis,  pessima  tua  educatione  corrupta  magis  ac  magis  nequitia  depravas,  ita  depravata  perdis?  Tantane  caecitate  percussos  esse  homines,  ut  quum  e  manibus  offerentium  suscipiant  consecrata  idolis  donaria,  quae  talium  superstitionum  antistitibus  sint  destinata,  tota  idololatriae  participatione  illigari  se  non  cogitent?  Si  tantus  Domini  furor  in  Israelitas  exarsit,  ob  clanculariam  anathematis  expilationem  (Ios.  7,  1  ss.):  quam  impunitatem  exspectant,  qui  ad  deglutiendas  exsecrationis  plenas  oblationes,  idolorum  sacrificiis  praeesse  non  verentur?  Sequuntur  iam  exactiones,  quae  iura  spiritualia  vobis  autoribus  censentur  :  quae  ab  oblationibus  voluntariis  eo  differunt,  quod  illis  quidem  fraudulente  populus  circumscribitur,  his  autem  hostiliter  vexatur.  Ac  tui  [pag.  73]  quidem  ordinis  homines,  quorum  latrociniis  patet  latior  campus,  opimiores  praedas  agunt.  Sic  enim  inter  suos  distinxit  romanus  archipirata,  ut  quo  quisque  gradu  propius  ad  eum  accedit,  eo  licentius  praedetur.  Aeque  tamen  immaniter  depopulantur  alii  omnes,  quod  suae  rapacitati  putant  attributum.  Itaque  obsignator  ille  rapinarum  tuarum  annulus,  copiosiore  multo  praeda  quotannis  te  onerat,  quam  minutum  aliquem  paroecum  sua  in  corradendo  converrendoque  strenuitas:  nihilo  tamen  minus  dirae  ac  sanguinariae  sunt  illius  vexationes,  quibus  plebem  ille  suam  pro  suo  modo  exercet  ac  fatigat.  Porro  quantum  quisque  accipit,  tanto  se  peculatu  obligat.  O  nunquam  satis  detestatas  opes,  quamlibet  insana  hodie  multorum  cupiditate  (quae  est  saeculi  nostri  perversitas)  furiose  expetantur,  in  quibus  nummus  nullus  1)  Sola  editio  princeps  hic  Utens  uncialibus  utitur,  scilicet  acrostichidis  ludo  (ROMA)  adversarios  acrius  lacessitum.  I>t  quo  ipsum  autorem  cogitasse  eo  magis  probabile  est,  quod  ipsa  sententia  verbo  tenus  ex  1  Tim.  6,  10  desumpta  etiam  antea  et  ab  aliis  in  eundem  finem  usurpata  fuerat  Vide  OU'  vetant  versionem  gallicam  S.  S.  ad  Apoc.  14,  8.  Calvini  opera.  Vol.  V.