49:305  CAPUT  T.  1.  Paulus  vocatus  apostolus  Iesu  Christi,  per  voluntatem  Dei,  et  Sosthenes  frater,  2.  ecclesiae  Dei  quae  est  Corinthi,  sanctificatis  in  Christo  Iesu,  vocatis  sanctis,  una  cum  omnibus  qui  invocant  nomen  Domini  nostri  Iesu  Christi  in  quovis  loco,  tam  sui  quam  nostri:  3.  gratia  vobis  et  pax  a  Deo  patre  nostro,  et  Domino  Iesu  Christo.  1.  Paulus  vocatus.  Hoc  agit  in  omnibus  fere  exordiis  epistolarum  Paulus,  ut  autoritatem  gratiamque  doctrinae  suae  conciliet.  Alteram  sibi  comparat  ex  persona,  quae  illi  a  Deo  imposita  erat,  quia  sit  apostolus  Christi  a  Deo  missus:  alteram  ex  eo  quod  suam  erga  eos  quibus  scribit  dilectionem  testatur.  Facilius  enim  multo  fidem  apud  nos  obtinet,  quem  putamus  nobis  ex  animo  favere,  ac  saluti  nostrae  fideliter  velle  consultum.  Ergo  in  hac  salutatione  autoritatem  sibi  asserit,  quum  se  apostolum  Christi  nominat:  et  quidem  a  Deo  vocatum,  hoc  est,  Dei  voluntate  ordinatum.  Duo  autem  requiruntur,  ut  quis  in  ecclesia  audiatur  docendique  locum  habeat.  Nam  vocatum  esse  a  Deo  oportet  ad  id  munus,  et  in  eo  exsequendo  bona  fide  versari.  Utrumque  hic  sibi  assumit  Paulus.  Nam  hoc  continet  nomen  apostoli,  ut  bona  conscientia  pro  Christo  legatione  fungatur,  et  puram  evangelii  doctrinam  annuntiet.  Sed  quia  nemo  sibi  honorem  usurpare  debet,  nisi  vocatus  sit,  adiungit,  non  temere  se  illuc  irrupisse,  sed  a  Deo  fuisse  constitutum.  Discamus  igitur  haec  duo  coniungere,  quum  scire  volumus  quosnam  habere  debeamus  pro  Christi  ministris:  vocationem  et  fidem  in  officio  gerendo.  Nam  ut  nemo  iure  ministri  titulum  ac  dignitatem  arrogare  potest,  nisi  vocatus:  ita  vocatum  esse  aliquem  non  bufficeret,  nisi  muneri  quoque  suo  satisfaciat.  Neque  enim  ministros  eligit  Dominus,  qui  sint  muta  idola,  aut  vocationis  suae  praetextu  tyrannidem  exerceant,  aut  suam  libidinem  habeant  pro  lege:  sed  praescribit  simul  quales  esse  debeant,  suisque  eos  legibus  adstringit,  denique  eligit  ad  ministerium:  hoc  est,  ne  sint  otiosi  primum  :  deinde  ut  intra  officii  sui  limites  se  contineant.  Proinde  sicut  ex  vocatione  pendet  apostolatus,  ita  re  ipsa  talem  se  exhibeat  necesse  est,  qui  apostolus  vuit  censeri:  imo  qui-