20:305  305  1564  MAI.  306  hactenus  omnes  impios  eorum  conatus  Dominus  elusit  et  repressit.  Hoc  enim  solum  proficiunt  quod,  quo  magis  conantur  ecclesiam  evertere,  eo  subinde  maiora  accipit  incrementa.  Magnis  iam  molestiis  et  sumptibus  nostri  gravati  sunt,  sed  nulli  sunt  labores,  nullae  impensae,  quae  a  coepto  revocare  queant.  Relictis  papistarum  templis  cogimur  nostris  sumptibus  alia  nobis  exstruere  ad  celebrandos  nostros  conventus.2)  Magnam  videmus  omnium  alacritatem.  Summi,  infimi,  omnes  quod  possunt  conferunt,  sicuti  Israelitae  quum  exstruendum  esset  tabernaculum.  Regis  adventum  interea  in  urbem  exspectamus  3)  maxima  comitatum  nobilitate.  Magnus  futurus  est  hominum  undique  concursus.  Adventurus  est  et  Sabaudiae  dux  4)  et  multi  coniurati  evangelii  hostes.  Adversarii  hunc  nobis  praesagiunt  adventum  exitialem,  in  quo  extremam  suam  spem  habent  repositam.  Sed  Dominus  solo  flatu  ridens  eorum  consilia  dissipabit.  Quotidie  literas  accipio  de  ecclesiarum  incrementis  et  felici  evangelii  successu  in  toto  hoc  regno.  Et  quod  maximum  est,  magna  est  omnium  ecclesiarum  et  doctrinae  et  disciplinae  et  animorum  consensio  et  coniunctio.  Nullis  sectis  distractae  sunt,  Dei  beneficio.  Undique  ministri  quaeruntur,  quorum  magna  laboramus  penuria.  Nam  funestum  hoc  bellum  multos  insignes  Christi  servos  nobis  abstulit  et  absorpsit.  Sed  quid  te  tam  multis  longius  detineo?  Etenim  tabellarius  mihi  apud  te  esse  poterit  vice  prolixissimae  epistolae.  Novit  enim  optime  quis  sit  non  solum  huius  ecclesiae  sed  et  totius  huius  regni  status,  et  quae  sint  utrarumque  partium  studia.  Salutant  te  reverenter  collegae  et  symmystae  omnes,  qui  se  et  totam  ecclesiam  tuis  precibus  commendant.  Dominus  Iesus  sancto  tuo  ministerio  perpetuo  magis  ac  magis  benedicat  et  sanctis  tuis  laboribus.  Vale,  vir  eximie,  optime  ac  diutissime.  Lugduni  10.  Maii  1564.  Tui  amantissimus  ac  tibi  deditissimus  Petrus  Viretus.  2)  Edicto  pacificationis  d.  19.  Mart  1562  dato  iussi  fuerunt  protestantes  pontificiis  templa  reddere  quibus  ipsi  potiti  erant.  In  urbibus  vero  ubi  ante  Nonas  Martias  sacra  sua  celebraverat,  %bi  etiam  in  posterum  uno  vel  altero  loco  eadem  continuare  iis  permissum  fuit,  eas.  gr.  Lugduni.  (Hist  eccl.  III.  243.  N.  3974,  not  4.)  3)  Lugduni  appulit  Idib.  Iuniis  cf.  Sarron  in  Mem.  de  Conde  II.  202.  Idem  haec  tradit  :  Les  Huguenotz  pour  empescher  que  le  Roy  n'allast  a  Lyon  avoient  appostez  gens  pour  empoisonner  les  potaiges  aux  hostelleries  afin  que  Fon  dict  que  la  peste  y  estoit  (!)  Pestis  tamen  revera  in  iis  regionibus  grassabatur  et  quidem  in  ipsa  aula  unus  et  alter  ab  ea  correptus  est.  4)  Vide  N.  4098.  Adfuit  demum  quum  rex  in  comitatu  Boussillon  esset