15:305  305  1554  NOVEMB.  306  sitam.  Ad  haec  non  quadraret  libellum  nominatim  dirigi  in  eum  cuius  dicta  quaedam  obiter  tantum  attingo.  Nam  amplus  gloriandi  campus  ei  pateret,  non  fuisse  sibi  responsum.  Praestabit  igitur  digito  sic  monstrari,  ut  in  medium  prodeundo  anxie  in  ipso  ingressu  laboret.  Itaque  quid  de  tabulis4)  agendum  sit,  dubito,  quia  vereor,  ne  parum  rationi  consentaneum  sit  quum  alia,  imo  totam  summam  breviter  percurram,  copiosius  in  uno  articulo  insistere.  Terum  si  commodus  locus  se  offeret,  rem  vestro  arbitrio  permitto.  Solum  ostendere  placuit,  nisi  plena  libri  refutatio  in  medium  prodeat,  de  homine  et  eius  ineptiis  parce,  et  quidem  nomine  suppresso,  videri  mihi  dicendum.  Fiet  etiam  forte  hoc  modo,  ne  tam  facile  vicinos  in  belli  societatem  impellat,  quos  procul  dubio  clamose  accerseret,  si  nomine  esset  lacessitus.  De  Luthero5)  satis  fuisset  me  uno  verbo  moneri.  Neque  enim  me  latet,  quantopere  in  nos  insanierit:  neque  memoria  exciderant  quae  in  Apologia  vestra  legi,  neque  mihi  de  venerabili  et  adorabili  altaris  sacramento  ignotum  erat  portentum.  Sed  quum  videam  hominem  nativa  alioqui  intemperie  elatum  tales  spumas  evomere,  prout  aliunde  erat  impulsus,  sepultis  illis  contentionibus,  sumpsi  quod  ad  pacem  aptius  erat.  Prudenter  vos  quidem  cavendum  esse  prospicitis  ne  adversarii  insolentius  in  nos  irruant.  Itaque  locum  sic  correctum  invenietis,  ut  plane  vobis  arrideat.  De  confessione  Augustana  cur  non  penitus  vobis  assentiar,  optimi  fratres,  paucis  accipite:6)  Ut  ea  prodierit  a  Luthero,  quod  mihi  non  e&t  probabile,  quorundam  tamen  assidua  instigatione  Wormatiae  effectum  est  ut  verbum  ex  hoc  capite  eraderet  Philippus.  Quum  igitur  oblata  esset  nova  editio,  cJamitarunt  papistae,  nos  et  Zuinglianos  esse  et  falsarios.  Magnus  turbarum  metus,  quas  Deus  mirifice  praeter  spem  sedavit.  Marchio  enim  Brandeburgius  qui  tunc  belli  contra  Turcas  gerendi  provinciam  ambiebat,  unum  ex  Principibus  Anhaltinis  furtim  ad  Lutherum  misit  qui  non  modo  ipsum  a  nobis  distraheret,  sed  eius  in  nos  violentiam  accenderet.  Atqui  unum  hoc  saltem  in  vita  sua  edidit  moderationis  specimen,  quod  proditore  illo  valere  iusso,  eius  fraudem  et  nequitiam  ultro  nobis  detexit.  Ex  ordinis  nostri  hominibus  qui  aderant,  unus  erat  Brentius  durior,  qui  tamen  iam  nonnihil  mansuefactus  erat.  Crucigerum  vero  prorsus  nostrum  reddi-  4)  Epistolae  Turicensium  subiunctis;  vel  etiam  de  Bi��  bliandn  annotationibus  id  dici  poterat.  5)  Haec  Henry  omnino  alto  sensu  sumpsit  ac  scripta  sunt  et  eum  sequutus  est  MoencJcebergius.  JPestalozzius  vero  p.  390  hunc  locum  silentio  praeterit.  6)  Diligenter  animadvertas,  b.  I,  memorabile  factum  quod  hic  narratur,  alias  vix  notum.  Cf.  etiam  Opp.  IX.  p.  19  not.  et  Schmidt  Mel  p.  372.  Calvini  opera.  Vol.  XV.