6:304  neque  id  tamen  fieri,  quia  vel  tunc  ingenitam  sibi  libertatem  amiserit,  sed  quoniam  ei  placet  ea,  cui  se  submisit,  servitus.  Quod  quamdiu  est,  inde  eximi  non  potest,  quia  non  vuit.  At  quum  sibi  serio  displicere  incipit,  servitutem  illam  excutere  ac  vincere.  Quanquam  in  hac  victoria  non  negat  esse  difficultatem:  quia  contra  carnem,  hostem  domesticum,  et  inveteratam  consuetudinem  dimicandum  sit.  Itaque  in  hac  pugna,  quo  tandem  possit  victrixl)  evadere,  opus  habere  concedit  adiutrice  Dei  gratia.  Concludit  tandem,  solam  hanc  esse  libertatem,  quae  per  peccatum  amissa  fuerit:  quod  quum  primi  parentes  non  voluntatis  modo,  sed  membrorum  quoque  omnium  et  totius  corporis  motus  in  potestate  habuerint,  absque  ulla  difficultate  aut  resistentia,  nobis  caro  nostra  infesta  sit,  et  adversus  rationis  imperium  contumax.  Atqui  hoc  totum  non  modo  Pelagii  scholam  redolet,  sed  mera  est  Pelagianae  impietatis  magna  ex  parte  professio.  Nam  principio,  liberam  in  se  voluntatem  relinquit,  [pag.  100]  ut  proprios  in  utramque  partem  motus  sub  potestate  habeat:  neque  hoc  ius  per  originale  peccatum  vel  perditum,  vel  imminutum  fuisse  agnoscit.  Nunc  quid  de  eo  sentiat  Augustinus,  audiamus.  Ad  Vitalem  Carthaginensem,  quum  duodecim  capita  posuisset,  tandem  concludit:  2)  Recognoscis  non  omnia,  quae  ad  fidem  pertinent,  dicere  me  voluisse,  sed  tantum  ea,  quae  ad  istam  nostram  de  gratia  Dei  quaestionem,  utrum  praecedat  haec  gratia,  an  subsequatur  hominis  voluntatem:  hoc  est,  ut  planius  id  eloquar,  utrum  ideo  nobis  detur,  quia  volumus,  an  per  ipsam  Deus  hoc  etiam  efficiat,  ut  velimus.  Postea  rursum:  Haec  et  alia  testimonia  ostendunt,  Deum  gratia  sua  auferre  infidelibus  cor  lapideum,  et  praevenire  in  hominibus  bonarum  merita  voluntatum:  ita  ut  voluntas  per  antecedentem  gratiam  praeparetur,  non  ui  gratia  merito  voluntatis  antecedente  donetur.  Item  libro  de  Civitate  Dei  decimo  tertio:  Ad  malum  prior  est  hominis  voluntas:  ad  bonum  autem,  prior  creatoris:  sive  ut  eam  faceret,  quae  nulla  erat:  sive  ut  reficiat,  quae  lapsa  erat.  Libro  secundo  de  Peccatorum  meritis  et  remissione  :  3  )  Laborant  homines  invenire  in  nostra  voluntate,  quid  boni  sit  nostrum;  et  quomodo  inveniri  possit,  ignoro.  Quarto  item  ad  Bonifacium:  Et  quomodo  bonum  hominis  propositum,  nisi  miserante  prius  Domino?  quum  ipsa  sit  bona  voluntas,  quae  praeparatur  a  Deo.  Proinde  quum  alicubi  prodidisset,  Deum  non  misereri  donec  praecesserit  voluntas,  eam  sententiam  retractat:  quia  misericordia  Dei  1)  Bezanae  editiones  habent  ..  tutrix,  a  quibus  ipsa  Amstelodamensis  contra  suum  morem  hic  ad  pristinam  lectionem  redit.  2)  Epist.  107.  3)  Cap.  18.