52:304  ut  plurimum  non  multa  ostentatione  pollet  doctrina  quae  solide  aedificat,  quid  utile  sit  spectandum  admonet  Paulus:  ac  si  diceret:  Pascat  homines  gloriae  cupidos  sua  ambitio,  sibi  in  argutiis  applaudant  :  tibi  satis  sit  in  tuam  et  populi  salutem  incumbere.  Pertinet  autem  admonitio  ad  totum  ecclesiae  corpus,  ne  fastidio  sit  simplicitas  quae  et  animas  vivificat,  et  suam  illis  sanitatem  fovet.  Nec  absurdum  videri  debet  quod  Timotheo  has  partes  assignat  salvandae  ecclesiae.  Nam  certe  quidquid  Deo  acquiritur,  salvum  est.  Praedicatione  autem  evangelii  colligimur  ad  Christum.  Et  sicuti  pastoris  infidelitas  aut  negligentia  ecclesiae  est  exitialis:  ita  merito  fidei  et  diligentiae  adscribitur  salutis  causa.  Solus  quidem  Deus  salvat,  cuius  gloriae  ne  minimam  quidem  portionem  ad  homines  transferri  fas  est.  Sed  nihil  gloriae  suae  Deus  derogat,  quum  ad  salutem  administrandam  utitur  hominum  opera.  Dei  ergo  solius  beneficium  est  salus  nostra,  quia  et  ab  ipso  solo  est,  et  sola  eius  virtute  peragitur:  ideoque  illi  tanquam  unico  autori  ferenda  est  accepta.  Sed  non  excluditur  propterea  hominum  ministerium,  nec  id  totum  obstat  quin  salutare  sit  regimen  illud  quo  constare  ecclesiae  integritatem  alibi  Paulus  docet  ad  Ephesios  capite  4,  l  l  .  Quin  etiam  et  hoc  quoque  in  solidum  Dei  est  opus:  quia  et  ipse  est  qui  format  bonos  pastores,  et  agit  suo  spiritu  :  et  eorum  labori,  ne  irritus  sit,  benedicit.  Quod  si  suis  auditoribus  saluti  est  bonus  pastor,  sciant  mali  et  ignavi,  eorum  quibus  praesunt  imputandum  sibi  esse  exitium.  Nam  sicuti  gregris  salus  pastoris  est  corona:  ita  quidquid  perierit,  ab  ignavis  pastoribus  reposcetur.  S  e  r  v  a  r  e  autem  se  pastor  dicitur,  quum  fideliter  munus  sibi  iniunctum  exsequendo  vocationi  suae  servit.  Non  modo  quia  horrendam  illam  ultionem  effugit  (quam  Dominus  per  Ezechielem  33,  8  minatur,  Sanguinem  de  manu  tua  reposcam),  sed  quia  illud  usitatum  est,  salutem  suam  fideles  peragere,  quum  in  cursu  salutis  suae  pergunt,  de  qua  loquutione  diximus  in  secundum  caput  ad  Philippenses  (2,  12).  CAPUT  V.  1.  Seniorem  ne  aspere  obiurges,  sed  hortare  ut  patrem,  iuniores  ut  fratres:  2.  mulieres  natu  gr  andiores,  ut  matres:  iuniores,  ut  sorores,  cum  omni  castitate.  3.  Viduas  honora,  quae  vere  sunt  viduae.  4.  Porro  siqua  vidua  liberos  aut  nepotes  habet,  discant  primum  erga  propriam  domum  pietatem  colere  et  mutuum  rependere  progenitoribus,  hoc  enim  bonum  et  acceptum  est  coram  Deo.  1.  Seniorem  ne  aspere.  Nunc  lenitatem  et  moderationem  Timotheo  commendat  in  corrigendis  vi-