5:304  soli  referciunt,  ne  segetis  spicam,  aut  pullum  unum  attingant.  Ut  nunc  autem  res  habent,  decimas  nullo  neque  divino,  neque  humano  iure  sibi  debitas  extorquendo,  improbissimo  furto,  in  alienas  fortunas  invadunt.  In  iure  annuarum  pensionum  describendo,  hoc  est  (nisi  fallor)  γενικώτατον  θεώρημα,  1)  omnes  donationis  titulo  vobis  obvenisse,  quam  iurisconsulti  Ob  causam2)  vocant:  ut  missae  sacrilegio,  aliisque  incantatoriis  precibus,  ex  illo  utopiensi  purgatorii  carcere  mortuorum  animas  eliceretis.  Sic  enim  in  papae  schola  instituti  homines  fuerunt,  ut  delictorum  conscientia  trepidis  hac  demum  conditione  spes  obtinendae  veniae  proponeretur,  si  vel  poenam  nihilominus  Dei  severitati  exsolverent,  vel  satisfactione  redimerent.  Supplicii  exactio,  purgatoriae  flammae  ardore  torreri  fuit:  satisfactio,  in  monachorum  ac  sacerdotum  ventres  ingurgitare,  quod  eorum  iudicio  ad  delicti  compensationem  satis  foret.  En  quibus  natae  exordiis,  quibus  deinde  incrementis  progressae  hucusque  sint  vestrae  possessiones:  quo  pervenisse  hodie  videmus,  ut  nulla  sit  prorsus  terrae  uncia,  quam  non  acceptam  purgatorio  referre  debeatis.  Nunc  te  coram  Deo  appello,  vir  mihi  amicissime,  aliosque  qui  a  verbi  Dei  puritate  non  abhorrent,  quorum  ex  animis  discussus  est  inanis  ille  purgatorii  fumus:  quum  probe  intelligatis,  quascunque  tenetis  possessiones,  nou  alia  lege  vobis  fuisse  transscriptas  a  suis  dominis,  nisi  ut  a  purgatorii  cruciatu  vestra  intercessione  solverentur,  parum  dico,  nisi  ut  abominandae  ipsorum  impietati  a  vobis  satisfieret:  iustamne  possidendi  rationem  vobis  constare  ducitis?  Sane  leges  civiles  (quum  nihil  voluntati  magis  adversum  sit  quam  error)  donatorem,  qui  vel  errore  deceptus,  vel  fraude  circumscriptus  fuerit,  absolvunt.  Donationes  autem  istas  solo  errore  niti,  bona  [pag.  72]  etiam  ex  parte  impostura  non  carere  scitis.  Iisdem  legibus,  quae  illicitam  conditionem  habet  donatio,  irrita  esse  pronunciatur.  Nulla  est  istarum  donationum  quae  horribili  Dei  blasphemia  non  vos  obstringat.  At  nihili  ducendae  sunt  eiusmodi  leges.  Quis  autem  vobis  permisit  alienas  copias  vestro  arbitrio  obtinere,  quae  dum  adscripta  lege  vobis  ceduntur,  nisi  illa  intercedente  vestra  non  fiunt?  Ius  enim  istud  pactorum,  quae  mutuam  habent  obligationem,  pervulgatum  est  ac  cuivis  cognitum  :  ut  agere  ex  pacto  non  possit,  nec  fructum  ullum  percipere,  nisi  qui  defunctus  promisso  fuerit.  Itaque  aut  aliena  usurpatis,  aut  ea  conditione  vestra  sunt,  quam  in  se  receperunt,  quorum  per  manus  vobis  sunt  tradita.  Quod  si  flagitia  haec  illis  pacisci  fas  non  fuit,  vobis  in  pacti  societatem  succedere  qui  liceat,  considerate.  Itaque  nisi  accensa  1)  Une  maxime  generale,  vertit  translater  gallicus  2)  Donation  pour  cause,  idem.