29:304  dixi  ruminanda  haec  doctrina  est,  et  saepe  iterando  nostris  animis  ingerenda,  quam  vix  ac  ne  vix  quidem  concoquimus,  oportere  a  Deo  depauperari,  imminui  atque  abiici  homines.  Ac  minime  id  quidem  quod  eum  suae  erga  ipsos  munificentiae  poeniteat,  sed  partim  quod  divitiis  atque  opibus  elati  ferocientes  et  tyrannice  illis  adversus  miseros  et  egenos  abutentes,  dignis  a  Deo  poenis  aequum  est  etiam  illos  affligi  :  partim  ut  suam  bonitatem  et  potestatem  erga  fideles  ipsum  invocantes  patefaciat,  quod  in  maximis  angustiis  et  miseriis  suis  ad  se  confugientes  audiat,  atque  etiam  omnibus  illis  eripiat.  Equidem  vero  agnosco  libens  non  quotidie  sic  ista  contingere,  nempe  quod  nobis  non  sit  utile  futurum:  sed  contingentibus  similibus  exemplis,  in  memoriam  haec  revocanda,  ut  hoc  ditescente,  illo  ad  paupertatem  redacto,  hoc  in  altiorem  gradum  evecto,  illo  deiecto,  teneamus  ita  pauperem  et  abiectum  ad  maiorem  modestiam  revocari,  et  contra  improbi  flagitia  non  impunita  relinqui.  Atque  adeo  pauperibus  tot  miserias  atque  calamitates  non  fortuito  ullo  casu  contingere  sed  volente  Deo  immitti.  Idem  etiam  de  honoribus  ac  dignitatibus  atque  de  fortunis  Anna  deinceps  praedicat,  ut  quum  in  his  terris  tot  tantasque  rerum  vicissitudines  atque  conversiones  conspicimus,  ad  Dei  providentiam,  cuncta  in  coelis  et  terris  ex  suae  voluntatis  nutu  regentis  assurgamus,  nihilque  hic  nobis  fortuitum  affingamus:  quod  plerumque  tamen  solemus.  Nam  quoties  eiusmodi  conversiones  accidunt,  qualis  admiratio  et  animi  fluctuatio  mentes  nostras  subit?  Si  quem  virum  opulentum  ad  paupertatem  redactum:  aut  si  quem  ex  summo  dignitatis  gradu  ad  vilem  conditionem  abiectum,  contra  vilis  et  abiectae  conditionis  hominem  in  summam  dignitatem  evectum  intuemur,  nonne  toti  obstupescimus,  et  commovemur?  Quis  ad  Dei  providentiam  assurgit?  quis  admirandam  eius  sapientiam  suspicit?  Tanto  igitur  magis  a  nobis  haec  doctrina  est  meditanda,  quo  tardiores  sumus  atque  hebetiores  :  ut  omnia  licet  sus  deque  ferri  videantur,  nihil  tamen  confusum,  nihil  fortuitum  statuamus,  sed  Deo  gloriam  hanc  tribuamus,  ut  cuncta  illum  ad  trutinam  appendere  norimu8,  triumphos  licet  divitibus  agentibus  et  iis  sese  oblectantibns.  Quin  imo  si  quid  hic  perturbatum  atque  confusum  apparet,  totum  illud  non  sapienti  gubernatori  et  administratori,  sed  oculorum  nostrorum  caligini,  mentisque  nostrae  perturbationi  tribuendum.  Fide  itaque  quod  sensibus  non  possumus  amplectendam.  Atque  in  primis  iustam  istiusmodi  iudiciorum  causam  in  ipsis  hominibus  non  alibi  quaerendam  meminerimus,  quod  honores  summos  adepti,  suaeque  conditionis  obliti,  ipsum  de  solio  Deum  detrahere,  ut  efferantur,  contendant,  et  hanc  ob  causam  merito  Deus  illos  non  modo