7:303  303  ADVERSUS  P.  CAROLI  304  nunquam  cessabo  a  signaculo  crucis;  et  eodem  momento  plus  centies  manum  in  crucem  torsit.  Quum  omnibus  mirum  esset  unde  tanta  intemperies,  rogavit  unus  qua  in  re  lacessitus  esset  a  Vireto.  Quid  me  rogas,  inquit,  quasi  de  re  dubia?  Ego  enim  vixdum  pedem  in  templum  intuleram,  quum  audio  ipsum  in  scortatores  vociferari.  Vident  nunc  lectores  quam  bene  sibi  conscius  fuerit,  qui  simulac  scortationis  mentio  facta  erat,  digito  se  putavit  monstrari.  Ego  autem  saepius  de  Vireto  audivi,  quum  sancte  assereret,  [pag.  22]  nunquam  sibi  tum  Carolil)  venisse  in  mentem,  sed  in  genere  modeste  dixisse  quantum  locus  et  res  postulabat.  Haec  tantum  breviter  attigi.  Ab  aliis  consulto  supersedeo,  ne  foetorem  nimium  commoveam:  nisi  quod  uno  verbo  admoneo  ut  recordetur  quo  nomine  pecuniam  corrogaverit  a  primariae  dignitatis  hominibus  ut  eam  solus  ingurgitaret:  atqui  pauperibus  eam  rogabat,  non  sibi.  Atque  has  fuisse  primas  offensionum  causas  inter  ipsum  et  Farellum  certo  certius  est:  quod  Farellus  primo  congressu  illi  adulari  non  sustinuerit,  quod  deinde  liberius  eum  increpuerit  de  impudicitia,  quod  postremo  hoc  eius  sacrilegium  fortiter  insectatus  sit  ut  debebat,  et  longius  detulit  quam  ut  privatis  eius  rationibus  expediret.  Sequuta  est  disputatio,  quae  frigebat,  quantum  audivi,  nisi  eam  calefecisset.  Pauci  enim  aderant  antagonistae,  et  illi  non  sat  bene  instructi.  Prodit  ergo  Carolus  in  coenam  2)  vel  rogatus  vel  sua  sponte.  Nihil  enim  hoc  moror.  Exordium  fecit  a  frivola  quaestione:  utrius  naturae  intuitu  Christus  dominium  coeli  et  terrae  haberet:  nam  si  divinae,  inquit,  ergo  illi  non  est  datum  ex  quo  carnem  induit;  si  humanae,  ergo  iure  haereditario  devolutum  filit  ad  matrem,  ex  quo  Christus  sine  liberis  decessit.  Farellus  ad  obiecta  illa  respondit  quantum  satis  erat.  Verum  ut  ansam  praecideret  talibus  ineptiis:  Cur  hic,  inquit,  sedemus?  [pag.  23]  an  non  ut  palam  fiat  huic  populo,  doctrinam  quam  profitemur  veram  esse  et  ex  verbo  Dei  sumptam,  papistarum  vero  religionem  impiam  esse  et  plenam  multis  abominationibus.  Eas  igitur  quaestiones  excutiamus,  de  quibus  nobis  controversiam  movent.  Extra  haec  septa  ne  vagemur.  Alioqui  enim  ludemus  auditores  qui  suspensi  definitionem  aliquam  de  causis  propositis  exspectant.  Non  referam  ordine  quid  actum  sit  postea  aut  dictum.  Satis  enim  habeo,  quum  duo  dicat  Carolus  in  libello  suo,  in  utroque  eum  mendacii  palam  convincere.  Rogatum  se  fingit  a  Farelli  sectatoribus,  ne  tam  acris  et  vehemens  esset  in  certamine,  quia  nonnullos  in  papistarum  partes  retraheret.  Quis  huius  rei  nobis  testis  erit?  Nempe  Carolus  ipse,  quem  nuper  in  tot,  tam  1)  Sic.  Intercidisse  videtur  aliquid.  2)  scenam  (?).