55:303  303  EPIST.  IOHANNIS  304  ita  omnes  iu  ipso  unum  essent.  Nam  habent  improbi  quoque  mutuam  inter  se  coniunctionem,  sed  extra  Deum:  imo  ut  se  a  Deo  magis  ac  magis  alienent:  quod  malorum  omnium  extremum  est.  Haec  vero  (sicuti  iam  dictum  est)  unica  nostra  est  beatitudo,  a  Deo  recipi  in  gratiam,  ut  vere  illi  in  Christo  uniti  simus:  de  qua  Iohan.  17.  capite.  In  summa,  pronuntiat  Iohannes,  quemadmodum  adoptati  sunt  a  Christo  apostoli  in  fratres,  ut  collecti  in  unum  corpus  Deo  simul  adhaereant:  ita  se  hoc  cum  reliquis  collegis  agere,  ut  sacrae  huius  ac  beatae  unitatis  multi  sint  consortes.  4.  Ut  gaudium  vestrum.  Nomine  pleni  gaudii  melius  integram  et  perfectam  beatitudinem  exprimit,  quam  ex  evangelio  consequimur.  Simul  admonet  fideles  ubinam  defixos  habere  debeant  omnes  suos  affectus.  Terum  est  proverbium  illud,  ubi  est  thesaurus  noster,  ibi  esse  cor  nostrum  (Matth.  6,  21).  Quisquis  ergo  vere  percipit  quid  valeat  illa  cum  Deo  societas  y  hac  una  abunde  contentus  est,  nec  amplius  variis  desideriis  aestuat.  Dominus  calix  meus  (inquit  David  [Psal.  16,  5])  et  haereditas  mea.  Funes  mihi  ceciderunt  in  praeclaram  sortem.  Eodem  modo  Paulus  (Philip.  3,  8)  sibi  omnia  pro  stercoribus  esse  praedicat,  ut  possideat  unum  Christum.  Quare  is  demum  in  evangelio  profecit,  qui  se  Dei  communicatione  beatum  existimans,  in  ea  sola  acquiescit:  sicque  eam  praefert  toti  mundo,  ut  eius  causa  omnia  relinquere  sit  paratus.  5.  Et  haec  est  promissio.  Non  minus  probo  quod  reddidit  vetus  interpres  :  haec  est  annuntiatio.  Quamvis  enim  ITCaYyeXia  Graecis  promissionem  saepius  significet:  quia  tamen  generaliter  hic  loquitur  Iohannes  de  testimonio  cuius  paulo  ante  meminit,  videtur  contextus  potius  exigere  alterum  illum  sensum:  nisi  forte  sic  resolvas:  promissio,  quam  vobis  afferimus,  hoc  secum  trahit,  vel  hanc  conditionem  habet  annexam.  Hoc  modo  nobis  constabit  mens  apostoli.  Neque  enim  hic  vult  complecti  totam  evangelii  doctrinam:  sed  ostendit  hoc  requiri,  si  Christo  et  eius  bonis  frui  volumus,  ut  Deo  simus  in  iustitia  et  sanctitate  conformes.  Quemadmodum  et  Paulus  dicit  secundo  ad  Titum  capite:  apparuit  gratia  Dei  salutifera  omnibus,  ut  abnegata  impietate,  et  mundanis  desideriis,  sobrie  et  iuste  et  sancte  vivamus  in  hoc  sacculo.  Nisi  quod  hic  metaphorice  in  luce  ambulandum  esse  docet,  quia  Deus  lux  est.  Porro  quum  Deum  nunc  vocet  lucem,  nunc  dicat  esse  in  luce,  non  sunt  nimis  urgendae  voces.  Cur  Satan  vocetur  princeps  tenebrarum,  satis  notum  est:  ergo  quum  Deus  ex  adverso  pater  lucis  et  lux  vocatur,  primum  intelligamus,  nihil  in  eo  esse  nisi  liquidum,  purum,  et  sincerum  :  deinde  qui  suo  fulgore  sic  omnia  illustrat,  ut  nihil  vitiosum  aut  contortum,  nullas  maculas  vel  sordes,  nullam  hypocrisim  vel  fraudem  latere