52:303  303  EPIST.  PAULI  AD  TIMOTHEUM  I  304  ficat,  una  cum  ministerio  necessariis  etiam  dotibus  ornatum  fuisse.  Usitatum  fuit  ac  solenne  apostolis,  ministros  per  impositionem  manuum  ordinare.  Ac  de  hoc  quidem  ritu  eiusque  origine  et  significatione  aliquid  prius  attigi  :  et  reliqua  ex  Institutione  petere  licet.  P  r  e  s  b  y  t  e  r  i  um  qui  hic  collectivum  nomen  esse  putant,  pro  collegio  presbyterorum  positum,  recte  sentiunt,  meo  iudicio.  Tametsi  omnibus  expensis  diversum  sensum  non  male  quadrare  fateor,  ut  sit  nomen  officii.  Caeremoniam  pro  ipso  actu  ordinationis  posuit.  Itaque  sensus  est,  Timotheum,  quum  prophetarum  voce  ascitus  fuit  in  ministerium,  et  deinde  solenni  ritu  ordinatus,  simul  gratia  spiritus  sancti  instructum  fuisse  ad  functionem  suam  exsequendam.  Unde  colligimus  non  inanem  fuisse  ritum:  quia  consecrationem,  quam  homines  impositione  manuum  figurabant,  Deus  spiritu  suo  implevit.  15.  Haec  cura��  Quo  plus  est  difficultatis  in  fideli  ecclesiae  administratione,  eo  magis  instare  sibi  debet  pastor,  nervosque  omnes  intendere:  idque  non  ad  exiguum  modo  tempus,  sed  perseveranter.  Ergo  admonet  Paulus  non  esse  locum  oscitantiae  vel  remissioni:  sed  requiri  summam  diligentiam  et  assiduitatem.  Quum  addit,  ut  profectus  tuus  m  a  n  i  f  e  s  t  u  s  fiat,  significat  in  hoc  esse  elaborandum  ut  per  eius  manum  magis  ac  magis  promoveatur  ecclesiae  aedificatio,  atque  dignum  operae  pretium  exstet.  Eat  enim  non  unius  diei  opus:  quare  ad  quotidianos  progressus  enitendum  est.  Alii  referunt  ad  Timothei  personam,  ut  in  melius  proficiat.  Sed  malo  de  ministerii  effectu  interpretari.  In  omnibus  tam  masculinum  esse  potest,  quam  neutrum.  Ita  duplex  erit  sensus:  vel  ut  omnes  perspiciant  quae  ex  eius  laboribus  provenient  incrementa:  vel  ut  omni  ex  parte,  aut  modis  omnibus  (quod  idem  est)  se  ostendant.  Atque  hoc  posterius  magis  quadrat  16.  Attende  Ubi  ipsi.  Duo  sunt  curanda  bono  pastori:  ut  docendo  invigilet,  ac  se  ipsum  purum  custodiat.  Neque  enim  satis  est  si  vitam  suam  componat  ad  omnem  honestatem,  sibique  caveat  ne  quod  edat  malum  exemplum:  nisi  assiduum  quoque  docendi  studium  adiungat  sanctae  vitae.  Et  parum  valebit  doctrina,  si  non  respondeat  vitae  honestas  et  sanctitas.  Non  ergo  abs  re  Paulus  Timotheum  incitat  ut  tam  privatim  sibi  attendat,  quam  doctrinae  in  communem  ecclesiae  usum.  Et  rursus  commendat  illi  constantiam,  ne  unquam  defatigetur.  Multa  enim  identidem  accidunt  quae  possint  nos  abducere  a  recto  cursu,  nisi  fixo  pede  fortiter  stemus  ad  resistendum.  Hoc  si  feceris.  Hic  non  levis  est  stimulus  ad  excitandam  pastorum  sollicitudinem,  quum  audiunt  suam  et  populi  salutem  in  eo  consistere,  si  muneri  suo  gnaviter  et  continenter  incumbant.  Quia  autem