51:303  303  SERMON  V  304  pleine  felicite,  il  faut  bien  que  nous  soyons  confermez  en  cela.  Et  pourquoy?  Regardons  combien  les  hommes  sont  volages.  Celuy  qui  sera  le  mieux  dispose  de  suyvre  Dieu,  incontinent  tombera,  d'autant  que  nous  sommes  tant  fragiles,  qu'a  chacune  minute  de  temps  le  diable  nous  aura  renversez,  sinon  que  Dieu  nous  tienne  la  main  forte.  Et  voila  pourquoy  il  est  dit  que  Dieu  desploye  sa  vertu  pour  nous  maintenir  quand  il  nous  a  eleus  et  qu'il  nous  a  donnez  a  nostre  Seigneur  Iesus  Christ:  car  s'il  ne  combatoit  pour  nous,  helas,  que  seroit-ce?  Nous  serions  bien  tost  confus,  et  non  pas  pour  un  coup  (comme  fay  desia  dit),  mais  il  y  auroit  des  cheutes  infinies.  Quand  donc  nous  serions  au  chemin  de  salut,  il  est  certain  que  nous  en  serions  incontinent  destournez  par  nostre  fragilite,  legerete  et  inconstance,  sinon  que  nous  fussions  retenus,  et  que  Dieu  besongnast  tellement  en  nous,  que  par  son  sainct  Esprit  nous  peussions  surmonter  tous  les  combats  de  Satan  et  du  monde.  Ainsi  l'Esprit  de  Dieu  besongne  doublement  en  nous  quant  a  la  foy:  car  il  nous  illumine  a  ce  que  nous  comprenions  ce  qui  autrement  nous  seroit  cache:  et  a  fin  que  nous  recevions  en  toute  obeissance  ce  que  Dieu  nous  promet.  Voila  pour  le  premier.  Mais  pour  le  second,  il  faut  que  le  mesme  Esprit  continue  en  nous,  et  qu'il  nous  donne  perseverance,  a  fin  que  nous  ne  defaillions  point  au  milieu  du  chemin.  Voila  donc  ce  que  sainct  Paul  traitte  maintenant:  comme  s'il  disoit,  Mes  amis,  vous  avez  cognu  et  experimente  la  grace  de  Dieu,  quand  il  vous  a  attirez  a  l'obeissance  de  son  Evangile:  car  iamais  vous  n'y  fussiez  venus,  sinon  qu'il  se  fust  monstre  pitoyable  envers  vous:  mais  encores  cognoissez  que  Dieu  redouble  sa  grace,  quand  il  vous  donne  perseverance.  Car  si  vous  avez  continue  trois  iours,  ou  trois  ans,  ou  plus,  il  a  bien  falu  que  Dieu  vous  ait  aidez  en  ceci:  car  autrement  vous  seriez  tousiours  en  branle,  mesmes  vous  seriez  comme  povres  gens  transis,  sans  aucune  certitude,  sinon  que  Dieu  vous  eust  promis  d'avoir  le  soin  de  vous,  et  de  tousiours  vous  conduire,  iusques  a  ce  que  vous  soyez  venus  a  vostre  but,  et  que  vous  ayez  accompli  vostre  course.  Voila  donc  pourquoy  maintenant  il  dit  qu'ils  ont  este  seellez  par  le  sainct  Esprit,  ou  cachetez.  Or  il  nous  faut  bien  noter  la  similitude  que  met  sainct  Paul:  car  nous  scavons  que  les  instrumens  sont  rendus  authentiques  par  les  seaux:  et  cela  a  este  de  tout  temps.  Il  est  vray  qu'on  ne  les  couchoit  point  en  telle  forme  qu'auiourduy  :  mais  cependant  au  lieu  de  mettre  signature  de  sa  propre  main,  on  bailloit  son  cachet,  ou  un  anneau  :  et  voila  comme  on  publioit  un  testament,  ou  une  autre  lettre,  et  tous  contracts.  Pour  ceste  cause  S.  Paul  dit  qu'il  faut  que  nous  soyons  seellez  en  nos  coeurs.  Or  il