50:303  303  SERMONS  304  prononce  ce  mot,  ils  despouillent  Iesus  Christ  de  toute  authorite.  Car  s'il  n'y  avoit  qu'un  seul  mediateur  (disent-ils)  et  que  deviendroyent  les  Saincts  qui  sont  nos  patrons,  et  les  Sainctes  nos  advocatos?  Si  on  leur  parle  du  sacrifice  par  lequel  nostre  Seigneur  Iesus  Christ  a  une  fois  acquis  iustice  parfaicte  a  tous  fideles.  Comment?  et  ne  faut-il  pas  que  tous  les  iours  ia  messe  soit  dite  pour  appaiser  l'ire  de  Dieu,  et  que  la  Iesus  Christ  derechef  soit  presente  en  oblation?  Si  on  leur  parle  de  la  remission  gratuite  des  pechez,  et  que  deviendroyent  nos  satisfactions,  par  lesquelles  nous  meritons  que  Dieu  ait  pitie  de  nous?  Et  puis  si  on  leur  parle,  quand  nous  sommes  regenerez  par  l'Esprit  de  Dieu,  que  de  la  procede  tout  bien:  et  que  iusques  a  tant  que  Dieu  nous  ait  changez,  il  n'y  a  que  macule  et  rebellion  en  nous:  Et  comment?  Que  deviendra  nostre  franc  arbitre?  Bref,  Iesus  Christ  sera  assez  nomme,  on  luy  gardera  ce  titre  de  Redempteur:  mais  cependant  son  office  est  departi  et  mis  en  pillage,  et  les  hommes  s'en  attribuent  une  portion:  et  puis  ils  imaginent  que  les  Saincts  et  les  Anges  de  Paradis  leur  sont  comme  patrons:  et  puis  ils  ont  des  moyens  infinis  pour  parvenir  a  Dieu,  ce  leur  semble.  Or  par  cela  nous  pouvons  bien  conclure  que  non  sans  cause  le  S.  Esprit  prononce  qu'ils  sont  apostats,  qu'ils  ont  quitte  Iesus  Christ,  et  se  sont  alienez  de  luy.  Car  ils  abusent  faussement  de  son  nom  :  Iesus  Christ  n'est  point  variable  :  comme  nous  avons  veu  que  S.  Paul  disoit  en  la  2.  des  Corinthiens,  que  nous  ne  trouverons  point  en  luy  ouy  et  non  et  qu'il  faut  qu'il  demeure  tousiours  en  son  entier.  Bref,  ce  que  les  Papistes  babillent  de  Chrestiente,  n'est  que  pure  hypocrisie  et  mensonge,  et  falsifient  le  nom  du  Fils  de  .Dieu,  et  en  abusent  meechamment:  car  ils  en  font  un  masque  ou  une  idole.  Voila  donc  pourquoy  sainct  Paul  accuse  les  Galatiens  de  s'estre  ainsi  transportez.  Or  si  on  demande  la  raison  pourquoy,  c'est  d'autant  qu'on  leur  vouloit  faire  garder  les  ceremonies  de  la  Loy  comme  necessaires.  Or  tant  y  a  que  Dieu  les  avoit  commandees.  Ouy  bien,  mais  c'estoit  comme  une  condition  temporelle  pour  le  peuple  ancien,  et  faloit  qu'a  la  venue  de  nostre  Seigneur  Iesus  Christ  tout  cela  cessast.  D'autant  donc  que  les  Galatiens  mesloyent  les  figures  anciennes,  et  les  ombrages  de  la  Loy  parmi  la  pure  clairte  de  l'Evangile,  sainct  Paul  ne  pouvant  souffrir  cela,  dit  qu'ils  se  sont  destournez  de  Dieu,  voire  revoltez.  Mais  il  y  a  encores  pis:  c'est  a  scavoir  que  la  grace  de  nostre  Seigneur  Iesus  Christ  estoit  aneantie  d'autant,  pour  ce  que  les  hommes  se  font  tousiours  accroire  qu'ils  meritent  et  qu'ils  acquierent  iustice  devant  Dieu,  pour  luy  estre  agreables  en  le  servant:  et  quand  les  seducteurs  avoyent  introduit