41:303  303  PRAELECTIONES  304  tionibus,  et  detrahunt  autoritatem  vaticinio.  Quidam  hic  volunt  per  dies  annos  intelligi,  ita  efficiunt  annos  bis  mille,  et  sexcentos.  Iam  usque  ad  Christi  adventum  effluxit  tempus  fere  sexcentorum  annorum.  Restant  igitur  a  Christo  manifestato  duo  annorum  millia,  et  putant  praefixum  esse  hoc  tempus  usque  ad  finem  mundi,  sicuti  lex  duo  annorum  millia,  aut  circiter,  viguit  ex  quo  lata  erat,  donec  accepit  finem  Christo  exhibito.  Volunt  igitur  illum  esse  sensum.  Sed  perperam  separant  dies  mille  ducentos  et  nonaginta  et  mille  trecentos  et  trigintaquinque.  Nam  certum  est  pro  eodem  accipi  annos  mille  ducentos  et  nonaginta,  deinde  mille  trecentos  et  trigintaquinque,  sed  tamen  cum  aliqua  exceptione.  Perinde  enim  est  ac  si  diceret  angelus,  Etiamsi  dimidium  illud  temporis  prorogetur,  tamen  fideles  debere  constanter  perstare  in  spe  liberationis.  Nam  adiungit  fere  duos  menses,  vel  adiungit  mensem  unum,  et  dimidium,  aut  circiter.  Per  dimidium  temporis  diximus  notari  exitum,  quemadmodum  etiam  Christus  loquitur,  Matth.  24:  Nisi  dies  illi  abbreviati  fuissent,  nulla  caro  fieret  salva.  Hic  eodem  sensu  ponitur  pro  illa  abbreviatione,  ut  ita  loquar.  Sed  nunc  adiungit  angelus  dies  quadragintaquinque.  Efficiunt  autem  sesquimensem,  quasi  diceret,  Etiam  si  ultra  sex  menses  Deus  differat  liberationem  ecclesiae  suae,  tamen  sitis  bono  et  forti  animo,  et  perstate  in  excubiis  vestris.  Tandem