29:303  303  HOMILIA  VI.  304  potestate,  liberandos  atque  eruendos  esse.  Caeterum,  Praeterquam  quod  in  ha*  misera  et  caduca  vita,  mille  licet  miseriis  obruti  speramus  divinum  auxilium  et  integram  restitutionem,  etiam  aliquid  amplius  ex  hoc  loco  discendum  ac  mentibus  nostris  altius  reponendum,  nempe  nos  licet  in  sepulcro  la-  Sentes  in  cinerem  ac  pulverem  redactos  vitae  nihilominus  restituendos:  quod  nimirum  id  Deus  ipse  promiserit.  Quare  agite,  fiduciam  omnem  in  Deo  Collocemus,  certo  persuasi  nos  decurso  vitae  huius  curriculo  non  esse  prorsus  in  sepulcro  consumendos,  aut  in  nihilum  redigendos,  quod  nostri  curam  Deus  non  abiecerit,  sed  quum  tempus  advenerit  redemptionis  ab  ipso  suscitandos,  et  vita  illa  sempiterna  nobis  promissa  donandos.  Quum  igitur  tempus  illud  redemptionis  advenerit,  re  ipsa  sententiae  huius  Domini  nostri  Iesu  Christi  effectum  et  impletionem  percipiemus,  qua  se  resurrectionem  et  vitam  esse  profitetur;  ne  in  gemitus  et  querelas  ruamus  quum  ad  sepulcrum  et  corruptionem  properaverimus.  Nam  quid  obsecro  metuendum  nobis  quum  ipse  Dei  filius  nostra  sit  resurrectio?  Quamobrem  sepulcri  fit  mentio,  primum  ut  in  corruptionem  abeuntes  eam  aequo  animo  feramus.  Quid  ita?  nempe  moriendum  nobis  ut  vivamus.  Quare  si  Dei  filium  nobis  fieri  vitam  cupimus,  nos  nobis  ipsis  mori  necesse  est,  ac  mundo  rebusque  omnibus  caducis  istis  renunciare.  In  summa  haec  ad  nos  ex  hoc  loco  redeat  utilitas,  Deum  nos  ita  deiicientem  et  imminentem  ut  paene  in  nihilum  redigat,  non  tamen  abiecisse,  sed  ita  disponere  ad  gratiae  ipsius  perceptionem,  ut  nos  ipsos  vitamque  nostram  acceptam  illi  uni  feramus:  ac  vere  nos  ab  ipso  e  sepulcro  educi  teneamus,  et  ad  hunc  scopum  quascunque  nostras  afflictiones  referamus.  Pergens  Anna  dicit,  Deum  depauperare  et  ditare  demere  et  etiam  extollere.  Quae  sane  cum  superioribus  eadem  plane  sunt:  sed  ex  us  quo  spiritus  ardore  in  hanc  orationem  Anna  devenent  fit  nobis  conspicuum,  ut  nimirum  tanquam  in  speculo  divinam  providentiam  intuendam  proponeret,  ut  nihil  in  toto  terrarum  orbe  casu  fieri  vel  fortuito,  sed  singula  Dei  providentiam  administrare  sciamus.  Ac  sane  hanc  nobis  saepe  doctrinam  inculcari,  et  saepe  iterando  ingeri  necesse  est  antequam  eam  vel  assequamur,  vel  fructum  aliquem  ex  ea  percipiamus.  Nam  licet  sacra  pagina  toties  divinam  providentiam  praedicet,  ac  nominatim  in  evangelio  Dominus  nos  certiores  faciat,  ne  unum  quidem  passerculum  sine  Dei  voluntate  decidere,  ac  capitis  nostri  capillos  omnes  esse  numeratos,  tanta  tamen  diffidentia  et  obtusione  mentis  laboramus,  ut  vix  ad  Deum  assurgere,  ab  eo  uno  pendere,  et  auxilium  in  afflictionibus  opportunum  sperare  possimus,  sed  vel  humanis  rationibus,  vel  fortunae  liberationem  affingamus.  Quamobrem  saepe  inculcanda,  saepe  ut