9:302  Dei  disputo:  et  facile  deprehendent  tuas  omnes  nebulas  satis  superque  illic  esse  discussas.  Adiungant,  si  placet,  quae  in  secundum  Actorum  caput  scripsi.  Homines  quum  vel  furtum  vel  homicidium  perpetrant,  ideo  peccant  quia  fures  sunt  et  homicidae.  In  furto  autem  et  homicidio  sceleratum  consilium.  Deus  qui  illorum  malitia  utitur,  superiore  in  gradu  locandus  est.  Longe  enim  aliud  spectat,  quia  alterum  vult  castigare,  alterius  exercere  patientiam:  atque  ita  nunquam  a  sua  natura,  hoc  est,  perfecta  rectitudine  deflectit.  Quia  vero  maleficium  a  fine  quo  quisque  tendit  aestimatur,  palam  est  Deum  non  esse  peccati  autorem.  Haec  summa  est,  quum  peccati  causa  sit  in  hominibus  mala  voluntas,  Deum  recta  sua  iudicia  per  eorum  manus  exercendo  [pag.  74]  adeo  culpa  non  involvi,  ut  mirabiliter  lucem  gloriae  suae  ex  tenebris  eliciat.  Et  quidem  in  eo  libello,  qui  furias  istas  ex  profundis  inferis  contra  me  excitavit,  subinde  occurrit  clara  illa  distinctio,  nihil  esse  iniquius,  vel  magis  praeposterum,  quam  Deum  trahere  in  societatem  reatus,  dum  per  manus  diaboli  et  impiorum  iudicia  sua  exsequitur,  quum  in  ratione  agendi  nulla  sit  affinitas.  Caeterum,  iam  ante  annos  duodecim  editum  a  me  opus  est,  quod  me  a  putidis  istis  calumniis  satis  superque  vindicat,  ab  omni  autem  molestia  debebat  immunem  reddere,  si  qua  in  te  ac  similibus  esset  humanitatis  gutta:  delirium  enim  illud  quo  iam  multos  fascinaverant  Libertini,  monstrosum  hominum  genus,  quam  dextre  refutaverim  non  iacto.  Certe  ex  professo  causam  illam  agendam  suscepi,  et  luculente  exposui  Deum  peccati  non  esse  autorem.  Vii.  [pag.  75]  Ad  septimum  respondere  nihil  mea  interest.  Profer  locum  ubi  dixerim  saepissime  pugnare  Dei  voluntatem  cum  praecepto:  mihi  enim  ne  per  somnium  quidem  id  unquam  in  mentem  venit.  Quin  potius  inter  alia  fideliter  exposui,  quomodo  simplex  et  unica  sit  Dei  voluntas,  quamvis  inter  arcanum  eius  consilium  et  doctrinam  quaedam  appareat  dissidii  species.  Qui  modeste  sobrieque  se  Deo  subiiciet,  quatenus  mentis  humanae  capiet  modulus,  facile  agnoscet  quomodo  Deus,  qui  scortari  vetat,  per  incestuosos  concubitus  Absalom  Davidis  adulterium  puniens,  unum  idemque  semper  velit,  diversis  tamen  modis.  Ergo  ne  quid  mihi  maculae  aspergat  mendaciorum  tuorum  spurcities,  breviter  hoc  testatum  sit  lectoribus,  quod  velut  ex  me  profectum  obtendis  de  contrariis  Dei  voluntatibus,  improbissime  esse  [pag.  76]  abs  te  confictum,  quando  ubique  a  me  optimus  inter  absconditum  Dei  consilium,  et  externam  doctrinae  vocem  consensus  praedicatur.  Per  concessionem  Augustinus  diversas  voluntates  nominat:  sed  quae  ita  inter  se  conveniant,  ut  palam  facturus  sit  ultimus  dies  in  multiplici