7:302  in  sinum  suum  reciperent?  Neque  haec  dico  ut  eum  excludam.  Scio  enim  nos  omnes,  qui  puram  evangelii  doctrinam  sequimur,  in  tanta  esse  gratia  apud  Sorbonicos,  ut  potius  in  odium  nostri  eum  recepturi  sint.  Utinam  vero  iam  sederet  in  eorum  gremio,  ut  domi  haberent  qui  eos  exerceret,  ne  otio  suo,  sicuti  faciunt,  ad  pios  vexandos  tam  prolixe  abuterentur.  Sed  non  facient,  scio.  Nihilo  enim  minus  quam  ego  eum  pro  Ismaele  habent,  cui  sit  fatale  omnes  habere  adversarios  quocunque  accesserit.  Nam  fpag.  2o]  et  Abbas  sancti  Vincentii,  quo  duce  gloriatur,  nihil  non  tentavit,  quo  eum  domo  sua  abigeret:  tanto  eius  fastidio  captus  fuerat;  et  quum  strenue  operam  suam  venditaret  papistis,  vix  reperiebatur  in  tota  urbe  qui  calceos  illi  daret.  Sed  tamen  quoquo  modo  illi  cedat  suum  studium,  incipiamus  eius  mendaciis  nudam  ac  simplicem  veritatem  opponere.  Genevam  se  venisse  dicit,  et  inde  mox  transsilit  ad  disputationem  quae  longo  post  tempore  habita  est.  Quid  autem  interea  rerum  egerit,  vel  oblivione  praetermittit  vel  data  opera,  quum  tamen  multa  sint  quae  non  parum  ad  rem  faciunt.  Statim  enim  vulgatum  in  urbe  fuit  quemdam  Galliae  episcopum  adventasse.  Si  negat  hoc  fuisse  a  se  profectum,  negare  tamen  non  poterit  quin  illo  vulgi  errore  sibi  valde  placuerit.  Dum  autem  falsae  illius  gloriae  usura  fruitur,  ecce  nunciatur  ecclesiae  puellam  in  eius  cubiculum  nimis  familiariter  intrare,  famulum  eius,  veritum  ne  quid  turbarum  oriretur,  de  ea  re  clam  fuisse  conquestum.  Iam  primo  congressu  graviter  eum  admonuerat  Farellus,  ut  Christo  vere  aliquando  servire  inciperet,  ac  compensare  vitae  integritate,  sancto  zelo  et  bonis  exemplis,  studeret  ante  actae  vitae  defectus.  Sciebat  enim  qualis  fuisset  in  Gallia.  Tunc  autem  accitus  fuit  et  serio  cum  eo  expostularunt  fratres,  quod  ne  coactus  quidem  assuescere  posset  ad  bene  vivendum.  Ac  se  quidem  [pag.  21]  purgavit  fortiter  deierando.  Sed  quia  facere  non  poterat  quin  suspecta  esset  bonis  puellae  consuetudo,  improbis  autem  obtrectandi  ansam  praeberet,  denunciatum  fuit  ut  ab  ea  abstineret.  Atque  ut  omnibus  innotescat  quam  pura  eius  conscientia  fuerit,  signum  unum  proferam,  unde  facile  cuivis  erit  iudicium  facere.  Semel  accidit  ut  Viretus  pro  concione  in  scortationem  inveheretur.  Quum  institutus  esset  iam  de  ea  re  sermo,  forte  Carolus  templum  ingreditur.  Audit  scortatores  parum  blande  tractari.  Fremit  tacitus,  dissimulat  tamen  iracundiam  usque  dum  redierit  domum.  At  vixdum  ingressus  ita  bilem  aliquamdiu  suppressam  uno  impetu  totam  effudit,  ut  stuperent  qui  aderant.  Nam  oculis  infiammatis,  ore  spumante,  prope  deficiente  anhelitu,  exclamare  coepit:  Itane?  ut  me  semper  pungant?  ut  semper  lancinent?  Ego  vero  me  ulciscar.  Nam  ut  illis  stomachum  moveam,