51:302  esmeu  ni  induit  de  nous  envoyer  son  Evangile,  sinon  de  sa  pure  liberalite.  Mais  cependant  ils  cuident  que  les  uns  le  recoyvent,  et  les  autres  non,  pource  que  leur  franc-arbitre  dominera.  Et  voila  comme  la  grace  de  Dieu  est  amoindrie  :  car  ce  n'est  point  assez  que  Dieu  nous  presente  sa  grace,  comme  on  presentera  une  pomme  a  des  petis  enfans,  et  que  celuy  qui  pourra  mieux  courir,  viene,  et  il  l'aura.  Si  donc  Dieu  la  iettoit  ainsi,  il  est  certain  que  la  plus  grande  partie  de  nostre  salut  seroit  de  nostre  vertu  et  industrie,  et  la  louange  nous  en  devroit  demeurer.  Or  donc  apres  que  sainct  Paul  a  monstre  que  Dieu  nous  a  conviez  et  nous  convie  iournellement  a  l'heritage  de  son  royaume  celeste,  et  que  cela  est  une  pure  et  franche  liberalite,  il  adiouste  qu'encores  il  faut  bien  que  nous  soyons  touchez  de  l'Esprit  de  Dieu.  Or  il  est  vray  qu'il  ne  met  ici  qu'une  partie  de  la  grace  du  sainct  Esprit:  mais  c'est  d'autant  que  par  ci  devant  il  avoit  mis  la  premiere:  car  il  n'a  rien  oublie  en  ce  passage  de  ce  qui  estoit  requis  a  son  argument:  mais  il  a  commence  par  la  bonte  gratuite  de  Dieu,  de  laquelle  nous  sommes  tous  remplis:  et  a  monstre  que  la  foy  procede  de  ceste  fontaine  de  l'election  gratuite.  Mais  maintenant  il  adiouste  pour  le  second,  que  ce  n'est  point  assez  que  Dieu  nous  ait  esclairez  par  son  sainct  Esprit,  qu'au  lieu  que  nous  estions  aveugles  qu'il  ait  imprime  sa  grace  en  nos  coeurs,  et  qu'il  les  ait  pliez  et  fiechis  en  son  obeissance:  mais  qu'outre  cela  encores  faut-il  qu'il  nous  conferme,  qu'il  continue  nostre  foy  et  qu'il  nous  donne  une  perseverance  invincibles  iusques  en  la  fin.  Voila  donc  ou  S.  Paul  nous  ameine  :  c'est  qu'outre  ce  que  desia  nous  avons  declaire  que  nous  tenons  la  foy  de  l'Esprit  de  Dieu,  et  que  nous  sommes  illuminez  par  sa  grace,  qu'il  nous  retient  en  sorte  que  nous  ne  defaillions  point.  Pour  mieux  compendre  ceci,  nous  avons  a  retenir  en  premier  lieu  ce  qui  a  este  desia  traitte  plus  au  long,  c'est  a  scavoir,  que  cependant  que  Dieu  nous  laisse  en  nostre  estat  et  condition,  nous  sommes  povres  aveugles  errans  en  tenebres,  et  quoy  qu'on  nous  presche,  quoy  qu'on  nous  dise,  nous  demeurerons  tousiours  stupides  en  nostre  brutalite:  car  l'homme  sensuel  ne  comprendra  iamais  rien  de  ce  qui  est  de  Dieu  ne  de  son  salut.  Nous  voila  donc  du  tout  forclos  et  alienez  de  la  clairte  celeste,  iusques  a  ce  que  Dieu  ait  pitie  de  nous,  et  qu'il  nous  donne  l'esprit  de  clairte  et  de  lumiere.  Voila  pour  le  premier.  Mais  pource  que  ce  poinct  a  este  deduit  ci  dessus,  c'est  assez  de  le  reduire  en  memoire.  Or  il  y  a  le  second,  c'est  que  quand  nous  aurons  embrasse  la  grace  de  Dieu  par  foy,  que  nous  aurons  cognu  que  nostre  Seigneur  Iesus  est  celuy  auquel  nous  trouvons  tout  ce  qui  est  requis  a  nostre