50:302  qu'elle  croisse,  et  qu'elle  soit  confermee  de  plus  en  plus  iusques  a  ce  que  nous  soyons  recueillis  tous  la  ou  nous  sommes  iournellement  appelez,  c'est  a  scavoir  a  nostre  Seigneur  Iesus  Christ.  Or  nous  nous  prosternerons  devant  la  maieste  de  nostre  bon  Dieu,  en  cognoissance  de  nos  fautes,  le  prians  que  de  plus  en  plus  il  nous  les  face  sentir:  et  que  nous  en  soyons  tellement  touchez  au  vif,  que  ce  soit  pour  nous  y  desplaire  :  et  que  nous  embrassions  tellement  sa  grace,  qu'elle  soit  de  plus  en  plus  en  nous.  Et  que  nous  soyons  supportez  en  nostre  faiblesse,  et  soustenus  par  sa  main,  iusques  a  ce  qu'il  nous  ait  introduits  a  ceste  saincte  perfection  du  Royaume  des  cieux,  laquelie  nous  a  este  acquise  par  le  moyen  de  nostre  Seigneur  Iesus  Christ.  Ainsi  nous  dirons  tous,  Dieu  tout-puissant,  Pere  celeste  etc.  TROISIEME  SERMON.  GALATES.  Chap.  I  v.  6.8.  Nous  voyons  ici  plus  ouvertement  ce  que  desia  nous  avons  touche  ce  matin,  c'est  a  scavoir  que  S.  Paul  n'espargne  pas  les  Galatiens,  combien  qu'il  ne  veuille  point  leur  fermer  la  porte  de  salut.  Car  puis  que  son  intention  est  de  les  ramener  a  repentance,  il  faut  bien  qu'il  leur  propose  la  grace  de  Dieu,  comme  leur  estant  commune:  maiscependant  il  ne  les  flatte  pas  :  plustost  il  les  reprend  de  leurs  vices,  et  surtout  de  ceste  legerete  qui  avoit  este  en  eux  par  trop  grande,  d'avoir  preste  l'aureille  a  des  seducteurs,  qui  leur  estoyent  venus  desguiser  la  pure  doctrine  de  l'Evangile.  Or  pour  mieux  leur  faire  sentir  leur  ingratitude,  il  dit,  Qu'il  sJesbahit  de  ce  que  si  tost  et  si  aisement  ils  ont  este  transportez  de  la  vocation  celeste  :  veu  que  desia  ils  avoyent  senti  et  experimente  la  grace  de  Dieu  en  nostre  Seigneur  Iesus  Christ,  comment  c'est  qu'ils  ont  peu  estre  desbauchez  si  tost,  et  qu'encores  ils  sont  en  l'acte.  Car  pource  qu'il  taschoit  de  les  reduire,  il  ne  dit  pas  que  du  premier  coup  ils  se  soyent  destournez  du  tout  de  l'Evangile,  mais  qu'ils  ont  este  vaincus  de  ceste  tentation-la.  Et  puis  il  adiouste  que  ce  n'est  autre  chose,  sinon  que  ces  brouillons  veulent  renverser  la  verite  de  Dieu.  Car  il  n'y  a  qu'une  pure  doctrine  de  l'Evangile,  comme  il  n'y  a  aussi  qu'un  seul  Iesus  Christ,  sur  lequel  elle  est  fondee:  et  qu'il  n'est  point  en  nostre  puissance  de  forger  un  Evangile  nouveau:  mais  quand  on  tasche  d'amener  quelque  meslinge  parmi  la  pure  semence  que  nous  tenons  de  nostre  Seigneur  Iesus  Christ,  ce  n'est  que  renverser  l'edifice  de  Dieu.  Voila  en  somme  ce  que  contient  ceste  premiere  sentence  de  S.  Paul.  Or  ici  il  pourroit  sembler  qu'il  seroit  trop  aspre  et  trop  rude  en  reprenant  la  facilite  des  Galatiens,  veu  que  iamais  n'avoyent  pense  de  quitter  l'Evangile,  ni  Iesus  Christ  qui  leur  estoit  presche.  Mais  S.  Paul  ne  regarde  pas  a  leur  opinion:  il  regarde  la  chose  telle  qu'elle  est,  c'est  a  scavoir  que  si  tost  qu'on  se  destourne  do  la  verite  de  Dieu,  qu'on  quitte  Iesus  Christ,  et  qu'on  s'aliene  de  luy.  Ceci  seroit  trouve  estrange  de  beaucoup:  comme  nous  en  voyons  qui  voudroyent  mesler  la  clairte  parmi  les  tenebres:  et  mesmes  ceste  confusion  de  la  Papaute  est  un  exemple  par  trop  notable  de  ceci:  pour  ce  que  la  on  fera  tant  de  protestations  que  merveilles  de  retenir  la  foy  Chrestienne,  en  laquelle  on  a  este  baptize.  Mais  cependant  on  voit  que  tout  a  este  perverti:  car  toutes  superstitions  y  dominent:  et  puis  il  y  a  de  l'idolatrie  toute  manifeste,  voire  et  aussi  lourde  que  iamais  fut  entre  les  payens.  Voila  pourquoy  toute  reverence  de  Dieu  y  est  comme  abolie,  d'autant  que  chacun  se  constitue  sauveur  en  la  place  de  nostre  Seigneur  Iesus  Christ.  Or  maintenant  les  Papistes  repliqueront  assez  qu'ils  ne  sont  point  apostats,  et  qu'ils  n'ont  point  abandonne  Iesus  Christ.  Voire,  mais  nostre  Seigneur  Iesus  Christ  n'est  point  un  phantosme,  il  ne  se  peut  transfigurer  a  l'appetit  des  hommes:  bref,  il  ne  peut  estre  separe  d'avec  son  Eglise.  Quand  les  Papistes  ont