49:302  tur,  neque  Iudaeis  similem  gloriandi  materiam  defuisse  ostendit  :  nihil  tamen  illis  hoc  totum  profuisse,  quum  suis  bonis  abuterentur;  Postquam  hac  denuntiatione  eos  terruit,  mox  redit  ad  ipsam  causam,  quam  prius  exorsus  erat:  ac  docet  quam  sit  absurdum,  participes  esse  mensae  daemoniorum  eos,  qui  coenae  Domini  communicant:  foedam  eniin  et  minime  tolerandam  pollutionem  esse.  Tandem  concludit,  sic  attemperandas  esse  nostras  omnes  actiones,  ne  cui  simus  offendiculo.  Capite  undecimo,  conventus  publicos  a  quibusdam  vitiosis  institutis  repurgat,  quae  christiano  decoro  et  honestati  parum  congruebant:  ac  admonet  quanta  illic  gravitas  et  moderatio  servanda  sit,  ubi  stamus  in  conspectu  Dei  et  angelorum.  Praecipue  vero  ob  perversam  coenae  administrationem  eos  obiurgat.  Modum  autem  corrigendi  abusus,  qui  obrepserat,  subiungit:  eos  scilicet  ad  primam  Domini  institutionem,  tanquam  ad  unicam  certam  regulam  et  perpetuam  rite  agendi  legem  revocando.  Quoniam  autem  spiritualibus  donis  abutebantur  multi  ad  ambitionem:  capite  duodecimo  disserit  in  quem  finem  a  Deo  conferantur,  atque  etiam  quis  rectus  sit  et  purus  eorum  usus:  nempe  ut  mutuum  inter  nos  conferendo  coalescamus  in  unum  Christi  corpus.  Hanc  doctrinam  illustrat,  adducta  corporis  humani  similitudine:  ubi,  quum  diversa  sint  membra  et  facultates  variae,  talis  tamen  est  symmetria  et  communio,  ut  quod  singulis  membris  datum  est,  in  bonum  corporis  universi  conferatur:  caritatem  ergo  optimam  esse  moderatricem  in  hac  re.  Hoc  vero  argumentum  capite  decimotertio  fusius  prosequitur  et  magis  illustrat.  Summa  autem  huc  redit  :  ad  caritatem  referri  omnia  debere.  Qua  occasione  digreditur  in  eius  laudes,  ut  eius  studium  melius  commendet,  atque  ad  ipsam  colendam  magis  animet  Corinthios.  Capite  decimoquarto  magis  specialiter  exprimere  incipit  quid  in  usu  donorum  spiritualium  peccaverint  Corinthii.  Et  quia  tantum  apud  eos  valebat  ostentatio:  unam  in  omnibus  aedificationem  spectandam  esse  docet.  Qua  ratione  prophetiam  aliis  omnibus  praefert,  quia  sit  utilior:  quum  pluris  linguas  aestimarent  Corinthii,  tantum  propter  inanem  pompam.  Ad  haec  praescribit  rectum  agendi  ordinem,  ac  simul  vitium  illud  reprehendit,  quod  linguis  incognitis  personabant  sine  fructu  :  et  interea  doctrina  et  exhortationes  negligebantur,  quae  primas  semper  habere  debent.  Postea  vetat  ne  publice  doceant  mulieres:  quia  sit  indecorum.  Capite  decimoquinto  invehitur  in  errorem  valdo  perniciosum,  quem  tametsi  vulgo  inter  Corinthios  grassatum  fuisse  non  est  credibile  :  quorundam  tamen  animos  sic  occupaverat,  ut  manifesto  remedio  opus  foret.  Videtur  autem  de  industria  distulisse  ad  finem  epistolae  huius  rei  mentionem  :  ne,  si  inde  22*