47:302  45.  Et  qui  videt  me.  Videre  istud  pro  cognitione  accipe.  Nam  ut  conscientias,  quae  variis  subinde  agitationibus  alioqui  forent  obnoxiae,  bene  ac  penitus  tranquillet,  .ad  patrem  nos  revocat.  Ideo  enim  certa  est  firmaque  fidei  stabilitas,  quia  mundo  est  superior.  Ubi  autem  vere  Christus  cognoscitur,  in  eo  refulget  Dei  gloria,  ut  certo  sciamus,  non  pendere  ab  homine  quam  in  ipsum  habemus  fidem:  sed  in  Deo  aeterno  fundatam  esse,  quia  a  Christi  carne  ad  divinitatem  assurgit.  Quod  si  ita  est,  non  tantum  perpetuo  in  corde  fixa  esse  debet,  sed  etiam  intrepide  se  in  lingua,  ubi  opus  est,  proferre.  46.  Ego  lux  veni.  Quo  discipulos  suos  fortiores  et  magis  strenuos  reddat,  pergit  adhuc  in  praedicanda  fidei  certitudine.  Ac  primo  se  in  mundum  venisse  testatur,  ut  lux  esset,  qua  eruantur  homines  a  tenebris  et  erroribus  :  et  simul  potiundi  tanti  boni  modum  adscribit  dicens,  ut  quicunque  credit  in  me,  ete.  Porro  ingratitudinis  eos  omnes  insimulat,  qui  suo  evangelio  edocti  se  ab  incredulis  non  separant.  Nam  quo  praestantius  est  hoc  bonum,  a  tenebris  vocari  in  lucem,  eo  minus  excusationis  habent,  qui  lucem  in  se  accensam  ignavia  sua  vel  neglectu  suffocant.  Multum  ponderis  inest  his  verbis,  veni  lux  in  mundum.  Nam  etsi  ab  initio  lux  fuit  Christus,  non  tamen  frustra  hoc  se  titulo  insignit,  quod  venerit  ad  praestandum  lucis  munus.  Atque  ut  habeamus  gradus  distinctos,  aliis  se  lucem  esse  magis  docet  quam  sibi:  deinde,  non  tantum  angelis,  sed  etiam  hominibus:  tertio,  se  exhibitum  fuisse  in  carne,  ut  plenum  fulgorem  emitteret.  Universalis  particula  consulto  addita  esse  videtur,  partim  ut  cunctis  fidelibus  sine  exceptione  bonum  hoc  commune  faceret:  partim  ut  incredulos  ostenderet  ideo  perire  in  tenebris,  quia  sponte  lucem  fugiunt.  Iam  si  in  unum  coacervetur  tota  mundi  sapientia,  ne  scintilla  quidem  verae  lucis  in  illa  congerie  reperietur:  sed  potius  erit  informe  chaos,  quando  unius  Christi  proprium  est,  nos  a  tenebris  liberare.  47.  Et  si  quis  audierit  verba  mea,  neque  crediderit,  ego  non  iudico  eum:  non  enim  veni,  ut  iudicem  mundum,  sed  ut  servem  mundum.  48.  Qui  reiicit  me,  et  non  accipit  verba  mea,  habet  qui  ipsum  iudicet:  sermo,  quem  loquutum  sum,  ille  iudicabit  eum  in  novissimo  di&  49.  Quia  ego  a  me  ipso  non  loquutus  sum:  sed  qui  me  misit  pater,  ipse  mihi  mandatum  dedit,  quid  dicam  et  quid  loquar.  50.  Et  novi,  quod  mandatum  eius  vita  aeterna  sit:  quae  itaque  ego  loquor,  sicuti  mihi  dixit  pater,  ita  loquor.  47.  Si  quis  audierit  verba  mea.  Postquam  de  gratia  sua  disseruit  suosque  hortatus  est  ad  fidei  constantiam,  nunc  pungere  incipit  rebelles.  Quanquam  hic  quoque  severitatem  mitigat,  qua  digna