15:302  (Ex  autographo  Cod.  Paris.  Dupuy  102,  fol.  88.  Lectio  passim  dubia.)  Quam  praestantissimo  Christi  servo  Ioanni  Calvino  pastori  ecclesiae  Genevensis  et  ob  insignem  pietatem  et  veritatis  eximiam  doctrinam  ab  impuris  canibus  oblique  impeti  to,  ita  recte  et  reverenter  a  piis  omnibus  excepto  et  dilecto.  G-enevae.  B.  Blanrerus  nondum  remisit  Defensionem  consensus  sed  vult  transscribere  ut  literis  indicavit,  quas  nd  te  mitto  ut  videas  quid  pius  vir  sentiat  de  opere.  Et  sane  ego  si  sperassem  tamdiu  exemplar  apud  eum  futurum,  paulo  cunctantius  legissent,  ubi  quam  citissime  percurri,  partim  raptus  amore  eorum  quae  dicuntur,  quae  me  quam  avidissime  cogebant  legere,  partim  quod  eo  ipso  die  volebam  Blaurero  reddi  ut  videret,  iamque  meridies  praeterierat.  Relictus  est  affectus  mirus  ex  lectione.  Ago  gratias  Domino  quod  te  ita  utatur:  utinam  possem  idem  super  collega,  qui  nimis  sibi  placet  in  eo  in  quo  mihi  displicet.  Mirum  quod  sapere  non  possit.  Nostrum  nemo  quod  cupit  probavit.  Recte  fecit  quod  non  praetexent  fratrum  nomen.  Formula  consensus,  quam  oportebat  pridem  edi,  tamdiu  latuit  et  aegre  in  lucem  venit,  et  Defensio  quae  legi  ab  omnibus  deberet,  adhuc  premitur  no  prodeat,  et  tibi  exspectandi  sunt  aliorum  calculi,  et  ea  quae  latere  debebant  et  potioribus  cedere,  tantum  non  erumpunt  invitis  sanioribus  consiliis.  Probe  tenes  ingenia  eorum  quibuscum  agendum  est.  Verum*  supra  omnes  difficultates  est  eluctandum.  Is  qui  dedit  supra  spem,  ut  tandem  consensionis  ratio  haberetur,  efficiet  ut  quod  superest  absolvatur,  quum  sit  Domini  opus.  Non  tantum  quid  velint  aut  refugiant  mortales  attendendum,  quam  quid  possit  Dominus.  Instemus  precibus  et  fratres  hortemur:  non  frustra  id  fiet.  Quando  iudicaveris  expedire  ut  agam  cum  Tigurinis  indicato:  agam  quod  iusseris,  non  ut  par  esset  sed  ut  dederit  Dominus.  Multum  placet  fratrum1)  Bernam  petiisse.  Si  non  verbis  facta  respondent  tamen  prodest  indicasse  quibus  oportet,  nec  audebunt  perditi  tam  libere  pios  lacessere.  Tuum  erit  interea  gaudere  quod  ista  ob  Christum  feras,  quodque  tam  gravis  Satanae  sis  ac  suis.  Multo  enim  latius2)  tibi  est  et  bonis  omnibus,  male  audire  a  malis  quam  ab  eis  probari,  nemo  enim  Christi  servus  bene  audivit  apud  improbos.  Sentient  miseri  in  quem  insurgant.  Moses  magos  habuit  adversarios,  Biliamum,  et  quid  non  foris  2041.1)  Sic  Codex,  sed  lege:  fratrem,  scil.  lo.  Fabri  dc  quo  saepius  supra.  Vel  intercidit  vox:  legationem.  2)  sic.  An  scribere  voluit:  laetius?