9:301  301  DE  OCCULTA  DEI  PROVIDENTIA.  302  et  Dominus  corpus  suum,  et  Iudas  Dominum,  cur  in  hac  traditione  Deus  est  iustus,  et  homo  reus,  nisi  quia  in  re  una  quam  fecerunt,  causa  non  una  est  ob  quam  fecerunt?  Itaque  palam  asserere  non  dubitat  Petrus  (Act.  4,  28)  Pilatum,  Iudam  et  alios  impios  fecisse  quae  consilium  et  manus  Dei  decreverant:  sicut  paulo  ante  dixerat  Christum  definito  consilio  Dei,  et  praescientia  fuisse  traditum  (Act.  2,  23).  Si  in  voce  praescientiae  tergiversaris,  te  abunde  refellit  definitio  consilii:  nec  quidquam  ambiguitatis  relinquit  prior  locus,  Pilatum  et  impios  fecisse  quod  fieri  decreverat  consilium  et  Dei  manus.  Tantum  arcanum  si  non  capis,  mirare  cum  apostolo,  et  exclama:  O  altitudo!  ne  autem  rabiose  insultes.  Si  docilem  [pag.  71]  te  praeberes,  parata  in  aliis  meis  scriptis  tibi  esset  plenior  explicatio:  nunc  mihi  tuam  proterviam  retundere  satis  est,  ne  infirmas  animas  conturbet.  V.  et  Vi.  In  quinto  articulo  non  sine  Dei  providentia,  quam  oppugnas,  factum  est  ut  locum  notares.  Illic  videbunt  lectores  quae  soleant  adversarii  obiicere  contra  meam  doctrinam,  me  velut  in  eorum  persona  recitare.  Tu  mutilum  istud  dictum  arripiens,  nonne  dignus  es  in  cuius  faciem  omnes  conspuant?  In  sexto  tametsi  locum  non  designas,  longius  prosilit  tua  impudentia.  Egone  qui  tam  reverenter  ubique  praedico,  quoties  peccati  fit  mentio,  procul  removendum  esse  Dei  nomen,  usquam  dixerim  maleficia  non  tantum  eo  volente,  sed  etiam  autore  perpetrari?  Certe  ut  quidvis  contra  tam  prodigiosam  blasphemiam  dicatur,  libenter  patiar,  modo  ne  immerito  admisceatur  [pag.  72]  nomen  meum.  Quantum  ad  stultos  fallendos  proficias  nescio,  sed  non  timeo,  si  quis  figmenta  tua  cum  scriptis  meis  conferre  volet,  ne  tua  improbitas  te  exsecrabilem,  ut  dignus  es,  reddat.  Contendis,  si  Deus  amat  peccatum,  odio  habere  iustitiam,  multaque  in  eandem  sententiam  adducis.  Quorsum?  nisi  ut  verbis  meis  subscribas?  Sic  enim  diserte  non  heri  primum,  vel  nudiustertius,  sed  ante  complures  annos  loquutus  sum:  1)  Si  in  spoliatione  Iob  commune  est  Dei,  Satanae  et  latronum  opus,  quomodo  a  culpa  eximetur  Deus,  cuius  Satan  cum  suis  organis  reus  erit?  Nempe  si  inter  hominum  facta  discrimen  a  consilio  et  fine  sumitur,  ut  eius  damnetur  crudelitas  qui  cornicum  oculos  configit,  vel  occidit  ciconiam:  iudicis  autem  laudetur  virtus,  qui  scelesti  hominis  caede  manus  suas  sanctificat.  Et  cur  erit  deterior  Dei  conditio,  ne  sua  eum  iustitia  [pag.  73]  ab  hominum  maleficiis  separet?  Percurrant  tantum  lectores  quae  subiicio:  imo  totam  libelli  illius  partem,  ubi  de  providentia  1)  Libro  de  aeterna  Dei  praedestinatione  et  providentia.