51:301  301  SUR  L'EPITRE  AUX  EPHESIENS.  302  de  sens,  voire  enragez  du  tout,  de  mespriser  nostre  salut?  Or  cependant  il  nous  est  dit  que  le  tout  procede  de  la  pure  misericorde  de  Dieu  et  de  son  election  eternelle,  laquelle  ne  nous  est  pas  prochaine  ni  cognue:  mais  nous  en  avons  cognoissance  par  l'Evangile,  lequel  en  est  le  moyen  et  l'instrument.  Car  dequoy  nous  serviroit-il  que  nostre  Seigneur  Iesus  Christ  eust  offert  le  sacrifice  pour  reconcilier  le  monde  a  Dieu  son  Pere,  sinon  que  nous  en  fussions  participans  par  foy?  Or  la  foy  n'est  pas  une  opinion  que  les  hommes  concoyvent  en  leur  cerveau  :  mais  c'est  une  conclusion  que  nous  prenons,  que  Dieu  ne  peut  mentir  ni  frauder,  et  qu'en  nous  attendant  a  luy,  il  ne  faut  pas  que  nous  craignions  que  nostre  esperance  ne  parvienne  a  bon  port.  Ainsi  donc  en  somme,  S.  Paul  a  voulu  monstrer  que  si  nous  scavons  faire  nostre  profit  de  la  doctrine  de  l'Evangile,  nous  ne  serons  plus  en  branle  ni  en  perplexite,  mais  nous  pourrons  invoquer  Dieu  a  pleine  bouche,  confessans  que  nous  sommes  tellement  obligez  a  luy  et  luy  devons  tout,  que  nous  ne  craignons  pas  qu'il  ne  nous  advoue,  et  que  nous  ne  soyons  receus  de  luy,  et  que  nous  ne  soyons  exaucez  en  toutes  nos  prieres  que  nous  luy  faisons.  Voila  quant  au  premier.  Ainsi  apprenons,  suyvant  l'exhortation  de  S.  Paul,  de  tellement  nous  arrester  a,  la  doctrine  de  l'Evangile,  que  ce  nous  soit  autant  que  si  Dieu  se  monstroit  d'une  facon  visible,  que  les  cieux  fussent  ouverts:  et  que  tousiours  nous  retenions  ce  qui  est  prononce  de  la  bouche  de  nostre  Seigneur  Iesus  Christ,  que  quand  les  pechez  ont  este  pardonnez  au  monde  par  la  predication  de  l'Evangile,  que  cela  est  quant  et  quant  ratifie  au  ciel.  Voila  donc  quelle  certitude  nous  devons  avoir  pour  n'estre  plus  en  doute  si  Dieu  nous  exaucera  ou  non.  Or  comme  nous  sommes  enseignez  de  croire  a  l'Evangile,  aussi  S.  Paul  nous  monstre  que  nous  le  devons  priser  comme  un  thresor  inestimable,  veu  que  c'est  la  vertu  de  Dieu  en  salut  a  tous  croyans,  ainsi  qu'il  en  parle  au  premier  chapitre  des  Romains.  Puis  qu'ainsi  est  donc  que  nous  sommes  perdus  et  ruinez  de  nous  mesmes,  et  qu'il  n'y  a  autre  moyen  de  nous  rappeler  a  Dieu  sinon  par  l'Evangile,  que  nous  prisions  ce  thresor-la,  et  que  nous  en  scachions  faire  nostre  profit.  Et  cependant  que  nous  despitions  hardiment  et  le  diable  et  toutes  les  tentations  qu'il  nous  pourra  dresser,  puis  qu'ainsi  est  que  Dieu  nous  appelle,  et  qu'il  nous  a  rendu  tesmoignage  suffisant  de  son  amour  et  de  sa  bonte  paternelle.  Or  venons  a  la  seconde  partie  que  nous  avons  touchee.  Car  sainct  Paul  monstre  qu'il  faut  bien  que  Dieu  besongne  par  son  S.  Esprit  et  par  une  grace  speciale,  outre  ce  qu'il  veut  que  l'Evangile  nous  soit  presche.  Et  de  faict,  nous  en  verrons  beaucoup  qui  confesseront  assez  que  Dieu  n'est