5:301  DE  SACERDOTIO  PAPALI  ABIICIENDO.  tuum  inest,  ut  missariis  sacrificiis,  velut  satisfactione  persoluta,  mortuorum  animae  a  peccatis  suis  expientur.  Hoc,  inquam,  onere  utcunque  defungi  necesse  est  eorum  unumquemque,  qui  sacras  illas  opes  participant  Nulla  est  tam  opulenta  abbatia,  nulla  rursum  cappellania  usque  eo  tenuis,  quae  non  ea  lege  devincta  sit.  Nec  interest,  ipsine  per  se,  an  conducta  vicarii  opera,  sanctum  illud  munus  exsequantur.  Siquidem  non  defuturos  suspicor,  qui  ad  miseram  hanc  excusationem  se  conferant  :l)  quod  inquinamentis  illis  ad  sordidos  sacrificulos  ablegatis,  opes  ipsi  possideant  nullo  scelere  profanatas.  Sed  quid  inde  porro  aliud  consequentur,  nisi  ut  dum  culpa  una  purgare  se  moliuntur,  duplicem  nequitiam  prodant?  Cedo,  quod  scelerate  perpetratum  iri  conspiciunt,  ab  eo  religiose  manus  abstinent:  perpetrandum  tamen  interim  diligenter  curant.  Quibus  iam  obsecro  culpa  facinoris  adscribetur,  nisi  quibus  autoribus  admissum  fuerit?  Quum  vero  iussu  autoritateque  sua  ad  maleficium  impellant,  quorum  ministerio  abutuntur,  annon  alterum  quoque  crimen  hic  se  profert?  Si  quis  hominem  a  se  interemptum  ideo  negaret,  quod  non  sua  manu,  sed  conducto  a  se  sicario  caesus  esset,  a  quo  nostrum  non  conspueretur?  Nempe  qui  sua  confessione  bis  se  accusaret:  et  quod  caedis  autor  fuerit,  et  quod  alterum  malis  artibus  corruptum  in  sceleris  societatem  traxerit.  Quid  autem  ab  illo  dissimile  isti  faciunt,  qui  et  contumeliam  Deo  irrogandam  procurant,  et  ad  id  audendum  alios  pretio  corrumpunt?  At  non  eos,  inquiunt,  corrumpimus,  qui  venales  ad  patrandam  quamvis  impietatem  prostant.  Perinde  ac  si  homicida  ille  minime  ab  se  corruptum  defenderet,  quo  ad  maleficium  administro  usus  fuerit,  quia  gladiator  antea  fuisset,  latrociniis  assuefactus.  Itaque  quemadmodum  ille,  dum  latronem  exercitatione  acuit,  eius  audaciam  confirmat:  ita  isti  quos  novis  subinde  sacrilegiis  exercent,  eos  ad  nequitiam  magis  ac  magis  indies  obdurant.  Sed  hac  parte  propius  instare  animus  non  est:  neque  verbum  fecissem,  nisi  sua  me  improbitate  coegissent,  dum  in  re  adeo  perspicua  fucum  tamen  nescio  quem  facere  conantur.  Nihil,  inquam,  eos  ultra  lacesso,  modo  inter  nos  istud  constet,  quod  nullo  cavillo  declinare  iam  possunt:  neminem  eorum  esse  qui  gemina  illa,  quam  nuper  commemoravi,  impietate  [pag.  69]  non  sit  inquinatus.  Nemo  est  enim,  qui  non  de  missariis  sacris  peragendis  sceleratum  commercium  ineat:  nemo  qui  non  commentitiis  satisfactionibus,  quas  pro  mortuorum  redemptione  Satan  excogitavit,  pretium  statuat.  Si  permissam  Christi  sacerdotium,  quod  aeternum  esse  oportet,  abrogatur,  si  sacrificium,  quo  semel  omnia  delicta  expiavit,  aboletur,  si  sanguis  eius,  cuius  mun-  1)  Sic  princeps  sola.  Caeterae:  conferent.