49:301  301  ARGUMENTUM.  302  se  facturum  quam  nihili  ducat  inanes  illos  fumos,  quibus  se  venditabant  pseudoapostoli.  Quinto  capite  eos  obiurgat  quod  incestuosum  privigni  cum  noverca  coniugium  taciti  ferrent.  Atque  in  hoc  tanto  flagitio  satis  causae  esse  admonet  cur  pudore  deiiciantur  potius  quam  superbiant.  Inde  ad  generalem  doctrinam  transitum  sibi  facit,  eiusmodi  scelera  excommunicatione  vindicanda  esse,  quo  peccandi  licentia  reprimatur,  et  ne  contagio  latius  ab  uno  in  alios  serpat.  Sextum  caput  partes  duas  habet  praecipuas.  Priore  invehitur  in  forenses  contentiones,  quibus  se  mutuo  vexabant,  sub  infidelibus,  cum  magno  evangelii  dedecore.  Altera  reprehendit  scortandi  licentiam,  quae  eo  usque  progressa  erat  ut  propemodum  instar  rei  licitae  haberetur.  Et  incipit  quidem  a  gravi  comminatione:  deinde  comminationem  illam  rationibus  confirmat.  Caput  septimum  disputationem  continet  de  virginitate,  coniugio,  et  coelibatu.  Quantum  ex  Pauli  verbis  coniicere  licet,  invaluerat  apud  Corinthios  superstitiosa  opinio,  virginitatem  esse  virtutem  eximiam  et  quasi  angelicam  :  ut  coniugium  tanquam  res  profana  illis  vilesceret.  Ut  errorem  hunc  tollat,  docet,  unicuique  videndum  esse  quid  sibi  datum  sit,  nec  ultra  facultatem  in  hac  parte  enitendum:  non  enim  unam  esse  omnium  vocationem.  Itaque  qui  abstinere  a  coniugio  possint,  et  quis  eius  abstinentiae  finis  esse  debeat,  ostendit:  et  rursum  qui  suscipere  debeant  coniugium,  et  quae  vera  sit  matrimonii  christiani  ratio.  Capite  octavo  prohibet  ne  se  impuris  idololatrarum  sacrificiis  permisceant,  aut  tale  quidquam  designent,  unde  laedantur  infirmae  conscientiae.  Et  quoniam  hoc  praetextu  se  excusabant,  quod  nequaquam  prava  aliqua  opinione  se  adiungerent  idololatris,  quum  animo  agnoscerent  unum  Deum,  idola  pro  inanibus  figmentis  haberent:  hanc  excusationem  sic  diluit,  quod  quisque  fratrum  rationem  habere  debeat:  esse  autem  multos  infirmos  quorum  fides  tali  simulatione  labefactetur.  Capite  nono,  se  nihilo  plus  exigere  ab  illis  demonstrat  quam  quod  ipse  praestiterit:  ne  iniquus  videatur,  legem  aliis  ferendo,  quam  non  servet.  Reducit  enim  illis  in  memoriam,  qualiter  libertate  a  Domino  sibi  permissa  ultro  abstinuerit,  ne  quem  offenderet:  qualiter  in  rebus  mediis,  quo  se  omnibus  accommodaret,  quasi  varias  formas  induerit:  ut  suo  exemplo  discant,  non  debere  ita  quemque  sibi  esse  deditum  quin  fratribus  se  in  aedificationem  attemperare  studeat.  Iam  quia  valde  sibi  placebant  Corinthii,  ut  initio  diximus:  initio  capitis  decimi,  Iudaeorum  exemplo  admonet  ne  prava  securitate  se  ipsos  decipiant.  Nam  si  rebus  externis  ac  Dei  donis  efferan-