25:301  301  REDITUS  AD  HISTORIAM.  302  autem  hoc  pacis  dicitur,  quia  stabile  futurum  erat:  ideo  commode  verti  posset:  Pactum  meum  in  pace.  Certe  felicem  successum  designat,  ac  si  dixisset:  Phinees  cum  suis  posteris  prospere  sacerdotio  functuros.  14.  Porro  nomen  viri.  Sicuti  memoria  iustorum  benedicta  est,  ita  foedi  sceleris  autorem  perpetuae  ignominiae  damnari  aequum  fuit.  Quod  vero  ad  totam  tribum  pars  dedecoris  reiicitur,  hinc  apparet  quantopere  Deo  displicuerit  tanta  atrocitas.  Etsi  enim  non  simpliciter  trahitur  in  societatem  sceleris  tribus  Simeon,  inuritur  tamen  communis  infamiae  nota  ad  omnes  humiliandos,  ut  discat  pro  se  quisque  quos  e  suis  cognatis  peccantes  viderit  severe  castigare,  non  autem  fovere  eorum  vitia  si  generis  autori  consultum  esse  cupit.  Iam  quod  tam  Zimri  quam  mulier  Madianitis  ex  nobilibus  et  primariis  familiis  fuisse  memoratur,  non  tantum  docemur  iudicium  Dei  esse  anQoooenvXqmov,  ubi  dignitati  non  parcit,  sed  quo  quisque  in  altiori  honoris  gradu  locatus  est,  si  turpiter  se  gerat,  eo  maioribus  probris  esse  expositum:  quia  splendor  ipse  magis  conspicua  reddit  hominum  facta.  Quoniam  autem  paterna  domus  scorti  dicitur  fuisse  in  Madian,  coniiciunt  nonnulli  natam  fuisse  in  terra  Moab,  vel  saltem  apud  cognatos  maternos  fuisse  illic  educatam:  verum  quia  res  levis  est,  eam  in  medium  relinquo.  17.  Angustiis  affice  Madianitas.  Quum  passim  suos  arceat  Deus  a  vindicta  mirum  est  nunc  populum  Israel  ad  eam  stimulari,  quasi  vero  non  plus  satis  iam  propensus  esset  ad  se  ulciscendum:  verum  tenendum  est,  quum  Deus  qui  iustus  est  scelerum  vindex,  saepe  utatur  hominum  opera,  et  eos  constituat  legitimos  exercendae  suae  vindictae  ministros,  non  damnari  sine  exceptione  quamlibet  vindictam,  sed  ad  quam  homines  ipsos  impellit  carnis  affectus.  Laesus  est  quispiam,  statim  privata  sua  iniuria  accensus  ad  ulciscendi  cupiditatem  rapitur,  hic  manifestum  est  vitium.  Si  quis  autem  recto  et  composito  Dei  zelo  ad  poenam  expetendam  agitur,  non  suam  ipsius  causam,  sed  Dei  agendam  suscipit.  Noluit  igitur  Deus  populi  sui  iracundiae  fraena  laxare,  ut  pro  violento  eius  impetu  rependeret  Madianitis  quod  meriti  erant:  sed  suo  gladio  armavit  ad  eos  puniendos:  ac  si  pronunciaret,  iustam  fore  belli  causam,  nec  timendum  esse  ne  crudeles  essent,  tam  noxios  hostes  delendo.  Etsi  autem  fraudem  hanc  excogitaverat  solus  Balaam,  culpa  tamen  in  4  totum  populum  vertitur.  Interea  suspenditur  Moabitarum  poena,  qui  tamen  in  speciem  gravius  nocuerant.  Quia  hic  non  apparet  certa  ratio  cur  alios  clementer  sustineat  Deus,  ad  aliorum  vero  poenam  cito  properet,  discamus  reverenter  suspicere  eius  iudicia,  et  in  illis  excutiendis  non  plus  nobis  sumere  quam  fas  est.  Nobis  satis  sit  hac  de  causa  indictum  fuisse  legitimum  bellum  Madianitis,  quia  per  ipsos