15:301  301  1554  NQVEMB.  302  acxsxaxov  fefellit  te  homonymia.  Quum  enim  de  Hieronymo  illo  intelligerem,  qui  his  malis  praebuit  occasionem,  tu  contra  de  re  ipsa  dictum  illud  accepisti.  Sic  igitur  habe,  quantum  ex  illius  nostri  oratione  colligere  potui,  sperare  me,  si  modo  urgeatis,  fore  ut  ille  istinc  quoque  pellatur  et  in  ipsius  caput  tota  haec  tempestas  redundet.  Illinc  tamen  quid  boni  pro  certo  sperem  nihil  habeo,  usque  adeo  videntur  nencogoefjbevoi.  Audisti  enim,  opinor,  quale  nuper  responsum  Tononienses  nostri  tulerint.  Nos  igitur,  qui  duriora  etiam  petimus,  nihilo  mitius  exspectamus.  Cras  enim  mihi  iterum  eundum  illuc  est  cum  D.  Iacobo,  *)  id  est  iterum  ludenda  opera  et  tempus  frustra  consumendum,  cuius  tamen  iacturam  aegerrime  fero,  vel  propter  annotationes  illas  in  quibus  vix  unum  perpetuum  diem  mihi  pergere  licet,  quin  centies  interrumpar.  Certe  nullam  unquam  profectionem  magis  invitus  suscepi.  Sed  parendum  est.  Roga  Dominum,  obsecro,  ut  animum  nobis  suggerat,  qui  futuris  tempestatibus  ferendis  sufficiat.  Nam,  ut  nunc  res  sunt,  alterutrum  necesse  erit,  vel  ut  illi  audiant  et  ferant  quae  nolunt,  vel  ut  aliis  cedamus.  Si  id  acciderit,  videat  Dominus  et  iudicet.  Si  nos  terra  non  ceperit,  at  certe  coelum  nobis  patet.  Quum  rediero  faciam  te  de  omnibus  certiorem.  Quod  de  Ducissa  scripsisti  mihi  videbatur  parum  probabile,  et  existimo  te  ex  quodam  ipsius  domestico  qui  hac  iter  fecit  alia  multo  etiam  tristior  a  audisse.  Quid  facias?  fecisti  officium.  Dominus  novit  qui  sint  sui,  ut  nullus  ex  iis  pereat  etiamsi  interdum  absorptus  videatur.  Sigillum  tuum  ad  te  remitto.  Bene  vale,  mi  pater.  Dominus  Iesus  te  salvum  et  incolumem  praestet.  Lausannae  4��  Nonas  Novembris.  2)  Th.  Beza  filius  tibi  in  Domino  addictissimus.  2041.  FARELLUS  CALVINO.  Bespondet  ad  literas  paucis  ante  diebus  scriptas  singula  ibi  tractata  retractans,  verum  ita  ut  quae  ille  paucis  et  lucide  expresserat  hic  concionabundus  amplificet.  2040.1)  Valerio.  2)  Ad  annum  1554  referimus  quo  tempore  controversia  eum  Bolseco  recrudescebat  et  Lausannenses  etiam  Bernae  sua  negotia  parum  feliciter  persequebantur.  De  Ducissa  Ferrariensi  quod  dicit  illustrari  potest  ex  N.  2037.