9:300  ratione  metiri  queas.  Quorsum  igitur  illa  admonitio  Pauli,  ubi  de  causa  praesenti  disserit:  O  homo,  tu  quis  es?  Deinde:  O  altitudo  et  profunditas  (Rom.  9,  20.  l  l  ,  33)!  Mirari  iubet  ac  obstupescere:  quia  ubi  ad  incomprehensibile  Dei  consilium  venitur,  deficiunt  omnes  sensus.  Tu  autem  nihil  nisi  oculis  tuis  subiectum  admittes?  IV.  In  quarto  etiam  articulo  falsarius  esse  pergis:  cuius  rei  monitos  hac  tantum  de  causa  lectores  volo,  ut  candide  ex  re  ipsa  potius  quam  putidis  calumniis  iudicent.  Neque  tamen  refugio  quod  obiicis:  tantum  quod  aliter  dictum  [pag.  68]  a  me  fuerat,  mutatis  verbis,  maligne  ad  invidiam  torqueri  queror.  Perinde  mecum  litigas  ac  si  dixissem  peccatum  esse  iustum  Dei  opus:  quod  in  omnibus  scriptis  meis  passim  detestor.  Ergo  quo  tibi  videris  argutior,  magis  ridicula  est  tua  puerilitas.  Iustitiam  colligis  malum  esse,  iniustitiam  bonum:  Deum  esse  servum  peccati,  iniuste  punire  opus  suum.  Nempe  haec  monstra  sunt  in  cerebro  tuo  fabricata,  quae  diligenter  a  me  esse  refutata  testes  sunt  libri  mei.  Tu  vero  olim  senties  quam  detestabile  crimen  sit  in  arcanis  Dei  mysteriis  dicaciter  tuo  more  ludere.  Atque  ut  intelligas  non  mecum  tibi  negotium  esse  vel  certamen,  sed  cum  iudice  coelesti,  cuius  tribunal  non  effugies:  certe  non  alio  quam  spiritus  instinctu  pronunciat  Iob,  Dei  esse  opus,  quod  et  Satanae  et  latronum  erat  (Iob  1,  21):  neque  tamen  insimulat  Deum  peccati:  sed  benedicit  [pag.  69]  sacrum  eius  nomen.  Quod  Ioseph  innoxium  vendiderant  fratres  sui,  scelerate  factum  esse  constat:  idem  tamen  opus  Ioseph  Deo  adscribens,  immensam  eius  bonitatem  considerat,  quod  hoc  modo  datus  sit  patris  sui  familiae  nutritius  (G-en.  45,  5).  Isaias  Assyrium  pronuncians  baculum  esse  in  manu  Dei,  horrendae  stragis  quae  per  ipsum  edenda  erat,  Deum  facit  autorem,  sed  absque  peccati  nota  (Isa.  10,  5).  Ieremias  maledicens  qui  faciunt  opus  Dei  negligenter,  per  opus  Dei  intelligit  quidquid  saevitiae  exercuit  impius  hostis  contra  Iudaeos  (Ier.  48,  10).  Nunc  cum  eo  expostula,  ac  si  Deum  peccare  dixerit  Denique  norunt  omnes  in  scriptura  exercitati  ex  eiusmodi  testimoniis  breviter  collectis  posse  confici  integrum  volumen.  Sed  quid  verbis  opus  est,  ubi  res  ipsa  per  se  liquet?  An  non  hoc  gratiae  Dei  insigne  est  documentum,  quod  filio  suo  non  pepercit?  Christi  etiam,  quod  se  ipsum  tradidit?  [pag.  70]  Hic  tu  impuro  et  sacrilego  ore  peccasse  Deum  affirmas,  si  eius  opus  sit,  unigeniti  filii  immolatio.  Atqui  nodum  hunc  facile  cum  Augustino  l)  pii  omnes  expediunt.  Quum  pater  tradiderit  filium,  1)  Epist.  48  ad  Vincentium.