7:300  omnia  probari  toties  fuerat  testatus?  quam  se  semper  sequuturum  aperta  professione  chirographis  confirmaverat?  Quid  erat  bellum  gerere  cum  eo,  quem  verum  ac  fidelem  Christi  ministrum  agnoverat?  cui  titulum  detulerat  legitimi  pastoris?  Ubi  iusiurandum  illud  quo  promiserat  se  a  partibus  nostris  semper  staturum?  Ubi  lacrymae,  [pag  16]  quibus  culpam  deprecatus  fuerat,  quod  non  semper  stetisset?  Aut  ergo  agat  poenitentiam  illius  poenitentiae  suae,  aut  sciat  se  hic  manifestae  perfidiae  convictum  teneri.  Levitatem  vero  qua  tandem  purgatione  eluet?  Totum  papatum  qui  paulo  ante  damnavit,  ac  Antichristi  esse  tyrannidem  confessus  est,  qua  fronte  eum  propugnat?  Qui  Farellum  fidelem  Christi  ministrum  praedicavit  et  eius  doctrinam  per  omnia  recepit,  quo  nunc  colore  haereticum  appellat?  Et  quae  mutationis  est  causa?  Quis  enim  eum  vel  blandimentis  pellexerat  vel  fraude  induxerat,  vel  minis  ac  vi  coegerat,  ut  eorum  communionem  appeteret,  a  quibus  nunc  abhorret  tanquam  haereticis,  ut  eam  doctrinam,  cui  nunc  maledicit,  sacrosanctam  Dei  veritatem  esse  assereret?  Quis  vero  interea  eum  docuit,  rem  secus  habere?  Quis  spiritus  ei  revelavit,  papatum  esse  Christi  regnum?  puram  evangelii  praedicationem  esse  nefariam  perturbationem  orbis?  En  quo  zelo  ad  Farellum  impetendum  fuerit  impulsus.  Nam  quod  ductu  et  auspiciis  abbatis  sancti  Vincentii  Metim  se  venisse  dicit,  hoc  libenter  illi  concedo:  bonus  enim  ille  Abbas  culinae  suao  nidore  eum  attraxit.  Nam  quum  canem  ubique  quaereret  cuius  latratu  doctrina  Farelli  obturbaretur,  hunc  reperit  sibi  valde  appositum.  Erat  enim  famelicus,  ita  ut  quidvis  facere  et  pati,  ventris  causa,  non  recusaret.  Atque,  ut  uno  verbo  dicam,  sicut  haec  illi  causa  a  nobis  [pag.  17]  discedendi  fuerat,  quod  nulla  illi  conditio  dabatur  in  qua  se  laute  et  molliter  pro  consuetudine  sua  tractaret,  ita  fames  illi  flabellum  fuit,  quo  adversus  Christi  doctrinam  inflammaretur.  Non  dicam  quod  olim  Cato  de  procaci  tribuno  plebis,  frusto  panis  conduci  posse  ut  loquatur  vel  taceat:  nec  enim  pane  contentus  est;  sed  hoc  dico:  in  eorum  potestate  semper  fore  eius  linguam  qui  pinguiter  ac  delicate  saginare  eum  volent.  Quanquam,  sicut  iam  dixi,  quum  Metim  venit,  eo  redactus  erat  ut  fames  propemodum  ad  rabiem  eum  accenderet,  nam  suis  flagitiis  hoc  profecerat,  ut  non  tantum  summo  odio,  sed  etiam  exsecrationi  esset,  in  ea  domo  in  quam,  quum  alius  putaretur,  nimis  benigne  receptus  fuerat.  Ipse  quid  dicam  intelligit.  Intelligunt  et  alii  permulti.  Abbatialis  ergo  culina  spiritus  sanctus  fuit,  cuius  impulsu  adversus  Farellum  se  armavit.  Praefatione1)  tam  feliciter  absoluta  librum  or-  1)  In  margine  hic  legitur.  Secunda  pars