55:300  est.  Caeterum  particula  haec,  quod  erat  ab  initio,  ad  Christi  divinitatem  procul  dubio  refertur.  Neque  enim  ab  initio  erat  Deus  in  carne  manifestatus:  sed  is  qui  semper  vita  fuit,  et  aeternus  Dei  sermo,  in  plenitudine  temporum  homo  apparuit.  Rursum  quae  sequuntur  de  intuitu  et  palpatione  manuum,  magis  ad  humanam  naturam  spectant.  Terum  quia  duae  naturae  personam  unam  constituunt,  et  unus  est  Christus,  qui  a  patre  prodiit  ut  carnem  nostram  indueret,  merito  apostolus  eundem  et  semper  fuisse  invisibilem,  et  postea  visum  esse,  communiter  praedicat.  Quo  refellitur  putidum  Serveti  cavillum,  unam  esse  deitatis  naturam  et  essentiam  cum  carne:  adeoque  verbum  in  carnem  transformatum,  quia  ille  sermo  vivificus  in  carne  visus  fuerit.  Meminerimus  ergo  hanc  asseri  evangelii  doctrinam,  quod  is  qui  in  carne  vere  se  filium  Dei  esse  probavit,  ac  pro  filio  Dei  fuit  agnitus,  semper  invisibilis  fuerit  Dei  sermo.  Neque  enim  mundi  initium  hic  designat:  sed  altius  conscendit.  Quod  audivimus,  quod  vidimus.  Non  rumoris  fuit  hic  auditus,  cui  parum  fidei  haberi  solet:  sed  intelligit  Iohannes,  se  de  iis,  quae  docuit,  prius  fuisse  a  magistro  probe  edoctum,  ut  nihil  temere  in  medium  protulerit.  Et  certe  nemo  erit  in  ecclesia  idoneus  doctor,  qui  non  filii  Dei  ante  fuerit  discipulus,  ac  rite  institutus  in  eius  schola  :  quando  sola  eius  autoritas  valere  debet.  Quod  dicit  se  oculis  v  i  d  i  s  s  e  ,  non  est  pleonasmus,  sed  maior  expressio  amplificationis  causa.  Imo  non  contentus  simplici  adspectu,  addit  contemplati  sumus,  et  manus  nostrae  palparunt.  Quibus  verbis  testatur  nihil  se  docuisse  quod  non  solide  perspectum  habuerit.  Videtur  tamen  ad  praesentem  causam  parum  valere  sensuum  approbatio.  Neque  enim  vel  oculis  vel  manibus  comprehendi  potuit  virtus  Christi.  Respondeo,  hic  idem  dici  quod  primo  evangelii  capite:  Vidimus  gloriam  eius,  gloriam  unigenito  Dei  filio  dignam.  Neque  enim  ab  externa  corporis  figura  agnitus  fuit  Dei  filius:  sed  ex  eo  quod  illustria  divinae  suae  potentiae  documenta  edidit  :  ita  ut  in  eo,  tanquam  viva  et  expressa  imagine,  refulserit  patris  maiestas.  Quum  verba  sint  pluralis  numeri,  et  res  apostolis  omnibus  peraeque  conveniat,  libenter  de  illis  interpretor:  praesertim  quia  de  testimonii  auto-