51:300  ayons  tout  cela  persuade  et  bien  resolu,  qu'il  n'y  a  autre  cause  sinon  d'autant  qu'il  nous  avoit  donne  sa  marque  de  toute  eternite,  c'est  a  dire,  qu'il  nous  avoit  reservez  a  soy  comme  ses  propres  enfans.  Nous  voyons  donc  maintenant  l'intention  de  S.  Paul,  et  pourtant  apprenons  de  ne  faire  point  de  longs  circuits,  qand  il  est  question  de  confesser  que  nous  tenons  tout  de  la  pure  misericorde  de  Dieu.  Car  la  foy  que  nous  avons,  le  monstre  assez,  pource  qu'elle  n'est  point  (comme  i'ay  dit)  de  nostre  sens  naturel:  mais  c'est  un  don  procedant  d'en  haut,  et  que  Dieu  ne  communique  pas  indifferemment  a  tous,  mais  a  ceux  que  bon  luy  semble.  Au  reste,  il  y  a  ici  beaucoup  de  mots  qui  sont  a  peser.  Car  d'un  coste  S.  Paul  veut  magnifier  la  grace  du  8.  Esprit,  monstrant  que  nous  ne  pourrons  avoir  part  ni  portion  en  nostre  Seigneur  Iesus  Christ  ni  en  tous  les  biens  qu'il  nous  a  acquis,  sinon  d'autant  que  Dieu  nous  met  en  possession  de  nostre  salut  par  son  S.  Esprit.  Voila  donc  un  article.  Et  cependant  toutesfois  S.  Paul  ne  laisse  pas  de  monstrer  le  bien  inestimable  que  nous  avons  par  l'Evangile,  c'est  en  l'appelant  La  parole  de  verite  et  V  Evangile  de  salut.  Car  en  premier  lieu,  il  nous  a  voulu  asseurer,  a  fin  que  nous  eussions  une  certitude  infaillible  pour  pouvoir  invoquer  Dieu  sans  doute  et  sans  scrupule.  Car  cependant  que  nous  sommes  en  doute  si  Dieu  nous  aime  ou  s'il  nous  hait,  il  est  impossible  que  nous  l'invoquions  en  verite.  Voila  donc  nostre  salut  du  tout  aneanti,  suyvant  ce  qui  est  dit  par  le  Prophete  Ioel.  Et  c'est  une  doctrine  commune  de  l'Escriture  saincte,  que  nous  ne  pouvons  pas  obtenir  salut,  sinon  en  ayant  nostre  refuge  a  Dieu  par  prieres  et  oraisons.  Or  nous  en  serions  forclos,  si  nous  n'avions  ceste  asseurance:  comme  nous  verrons  encores  plus  a  plein  au  troisieme  chapitre.  Il  faut  donc  que  nous  soyons  vrayement  certifiez  que  Dieu  est  nostre  Pere,  et  qu'il  nous  repute  pour  ses  enfans.  Et  comment  aurons-nous  ceste  fermete-la,  sinon  que  la  doctrine  de  l'Evangile  soit  du  tout  certaine,  tellement  qu'il  ne  nous  soit  point  licite  de  la  mettre  en  dispute  ?  Voila  donc  pourquoy  S.  Paul  dit  que  c'est  la  parole  de  verite.  Il  est  vray  qu'il  y  a  bien  d'autres  veritez:  car  mesmes  quand  Dieu  nous  menace,  ce  n'est  point  par  feintise  ni  en  vain:  car  ses  menaces  et  ses  promesses  ont  leur  execution  toute  asseuree.  Mais  pource  qu'il  estoit  question  ici  de  corriger  en  nous  toute  deffiance,  a  laquelle  nous  sommes  par  trop  enclins,  S.  Paul  a  intitule  l'Evangile,  doctrine  de  verite  :  comme  s'il  disoit,  Mes  amis,  Dieu  vous  est  tesmoin  fidele  de  sa  volonte:  car  l'Evangile  est  autant  comme  s'il  vous  desployoit  son  coeur:  ainsi  donc  arrestez-vous  la.  Or  cependant  aussi  il  dit  que  nostre  salut  gist  et  est  enclos  en  l'Evangile:  et  c'est  pour  le  nous  faire  aimer  et  priser.  Car  serons-nous  si  despourveus