5:300  forte  annuendum  ei  ducimus,  qui  damnata  piratica,  archipiratam  laudet.  Quid?  An  non,  quaecunque  in  foetidis  illis  fornicibus  [pag.  67]  peraguntur  sacrilegia,  auspiciis  ductuque  abbatum  perpetrantur?  Et  quis  iam  illis  displicere  credet,  quae  nomine  nutuque  eorum  geruntur?  Quis  specimen  exspectet,  unde  sibi  improbari  declarent,  quae  quanta  possunt  approbatione  confirmant?  Iam  quod  otiosam  sibi,  et  sine  onere  dignitatem  obtigisse  putant,  in  eo  quidem  opinione  falluntur.  Quis  enim  dubitet,  eorum  unumquemque  pastorem  in  suo  collegio  debere  praestare,  cui  regendo'  abbas  est  constitutus?  Neque  enim  alia  conditione  cooptantur  in  eum  locum,  nisi  ut  pastoritia  sollicitudine  defungantur:  et  illi,  dum  munus  ineunt,  id  ipsum  sacramento  confirmant.  Si  e  vulgo  quispiam  de  abbatis  officio  interrogetur,  extemplo  respondebit,  monachis  esse  illum  moderatorem  positum:  qui  pura  doctrina  sanctisque  moribus  toti  collegio  praeeat,  rudes  instituendos  curet,  delinquentes  castiget,  errantes  in  viam  reducat.  Haec  quum  in  triviis  tam  diserte  de  eorum  munere  disserantur,  quam  frivole  mentiuntur,  nihil  ad  se  pertinere,  qualis  sit  monachorum  vita?  neque  sua  quidquam  referre,  quam  sit  aut  probe  composita,  aut  perdite  effrenata?  Ut  autem  id  totum  de  hominum  iudicio  eludant:  quia  tamen  fidos  se  fore  pastores  solennibus  verbis  deierarunt,  sua  certe  promissione  obstringuntur.  Eorum  ergo  curam  longe  a  se  reiicient,  quos  in  fidem  custodiamque  suam,  Deum  atque  homines  prius  attestati,  susceperunt?  Ubi  reverentia,  qua  nomen  suum  usurpari  Dominus  imperavit?  Ubi  iurisiurandi  religio,  nulli  non  barbariae  sacrosancta  ?  Ubi  promissorum  veritas,  pars  humanitatis  potissima?  Porcos  sibi  commissos  aiunt,  quorum  explendi  sunt  ventres,  non  animi  excolendi.  Sed  homines  Deus  creavit,  quos  oportet  a  beluina  illa,  in  quam  degenerarunt,  feritate,  ad  humanam  mansuetudinem,  optima  disciplina  revocari.  At  durior  est  barbaries,  quam  quae  doctrina  emolliendam  se  praebeat.  Our  ergo  provincia  non  se  protinus  abdicant,  cui  se  impares  esse  agnoscunt?  Hactenus,  quae  propria  quodammodo  abbatum  erant,  persequuti  samus:  nunc  quae  habent  communia  cum  reliqua  illa,  quam  nuper  recensuimus,  colluvie,  uno,  ut  dicitur,  fasce  simul  complectamur.  Quoniam  autem  singulas  flagitiorum  species,  quae  nefandis  istis  omnibus  sacerdotiis  perpetuo  cohaerent,  seorsum  excutere,  et  ordine  explicare,  prope  immensum  fuerit:  mihi  satis  erit  ostendisse,  nullum  penitus  ex  universo  numero  teneri  posse,  quod  non  abominandis  duobus  sacrilegiis  constet:  quo  pretio  nullam  omnino  felicitatem  redimere  pectus  christianum  [pag.  68]  sustineat.  Vulgare  inter  eos  proverbium  est,  propter  officium  beneficio  se  frui,  et  honori  suo  semper  esse  adnexum  onus.  Quanquam  autem  oneris  varia  sunt  genera,  hoc  tamen  omnibus  perpe-