29:300  ficiis  ad  maiora  surgere,  et  cum  admiratione  suspicere  discamus.  Multum  igitur  sane  profecerimus,  si  ex  singulis  Dei  in  oculos  nostros  operibus  incurrentibus  eius  virtutem  admiremur:  velut,  exempli  gratia,  quum  vel  gramen  assurgere  conspicimus,  in  hoc  ipso  conquiescentes  ad  Deum  ipsum,  licet  ipsius  coeli  vel  terrae  conspectu  privati,  efferamur.  Quamobrem  nihil  adeo  est  in  toto  terrarum  orbe  exiguum,  quod  non  Dei  iustitiam,  gloriam  ac  bonitatem  testificetur.  At  quod  plerumque  minima  ista  nobis  vilescunt,  idcirco  magna  etiam  adiicit.  Quoniam  igitur  tam  hebeti  sumus  ingenio,  ut  vix  Dei  maiestatem  ut  decet  agnoscamus,  a  minimis  istis  faciendum  exordium  est,  a  quibus  ad  illa  maiora  deducamur.  Sic  Anna  hic  nominatim  inter  Dei  singularia  beneficia  mulierum  foecunditatem  antea  sterilium  recenset.  Et  quidem  in  sacris  saepe  haec  sententia  repetitur,  ut  non  solam  Annam  hoc  praedicare  sciamus:  praesertim  in  Psalmis,  ubi  Psalm.  113,  9  dicitur  Deus  a  propheta  facere  habitare  sterilem  in  familia,  et  matrem  filiorum  laetantem,  ut  numerosam  prolem  in  Dei  maximis  beneficiis  censendam  doceat;  ac  proinde  gratias  illi  uni  pro  hoc  beneficio  nominatim  agendas.  At,  quanta  est,  obsecro,  mortalium  hac  in  parte  ingratitudo?  Nam  alios  videas  ex  numerosa  prole  sollicitos  et  laborantes:  alios  vero  gloriantes  et  sese  efferentes.  Quid  ergo  Deo  fiet?  Non  agnoscetur  autor?  non  agentur  illi  gratiae?  non  ab  eius  liberalitate  et  manu  beneficium  istud  qua  par  est  reverentia  suscipietur?  Porro  discendum  etiam  ex  Annae  verbis,  a  Deo  sua  nobis  dona  largiri  incipiente,  maiora  semper  exspectanda.  Neque  enim  est  cum  mortalibus  comparandus,  neque  ad  humanam  mensuram  eius  opera  sunt  exigenda:  quum  si  quo  quis  alium  iuvit  beneficio  necessitate  aliqua  laborantem,  aegre  ferat  denuo  ad  se  rediri  :  Deus  vero  contra  nos  ad  se  invitet,  metumque  omnem  importunitatis  nobis  adimat,  postulantibus  donorum  ipsius  continuationem  atque  coepti  in  nobis  operis  perfectionem.  Habetis  usum  horum  Annae  verborum,  sibi  numerosam  prolem  ex  eo  promittentis,  quod  filium  a  Deo  accepisset:  coutra  vero  prolis  imminutionem  de  ea  superbienti  ac  sese  cum  iniuriis  efferenti  denuntiantis.  Sic  sane  Deus  sapienter  hominum  gloriam  et  excellentiam  qua  super  alios  gloriantur  contundit,  et  in  ipsorum  confusionem  vertit.  Suam  enim  merito  gloriam  pro  liberalitatis  et  bonitatis  ratione  conspicuam  esse  vult.  Quod  vero  vel  tardiores,  vel  hobetiores  in  Dei  gloria  sicuti  par  est  agnoscenda  laudandaque  sumus,  fit  ut  sit  nobis  saepe  confusioni  et  opprobrio:  nempe  enim  nostra  tarditate  bona  in  nostram  salutem  destinata  profanamus,  quorum  rectum  usum  ignoramus.  Ecquis  enim  rectum  illius  usum  et  ad  salutem  esse  dixerit,  quum  ipsum  adversus  nos  provocamus,  eum  quantum  in