25:300  Ecce,  ego  do  ei  pactum  meum,  pacis.  13.  Et  erit  ei  et  semini  eius  post  eum,  pactum  sacerdotii  perpetui,  eo  quod  zelatus  est  pro  Deo  suo,  et  expiavit  filios  Israel.  14.  Porro  nomen  viri  Israel  percussi,  qui  percussus  est  cum  Madianitide,  erat  Zimri  filius  Salu,  princeps  familiae  tribus  Simeon.  15.  Nomen  vero  mulieris  occisae  Madianitidis  Chozbi  filia  Sur,  principis  populorum,  princeps  domus  paternae  in  Madian  erat.  16.  Loquutus  est  autem  Iehova  ad  Mosen,  dicendo:  17.  Angustiis  affice  Madianitas,  et  percutias  eos:  18.  Quia  ipsi  afflixerunt  vos  fraudibus  suis,  quibus  fraudulenter  egerunt  contra  vos  in  negotio  Peor,  et  in  negotio  Chozbi  filiae  principis  Madian  sororis  suae,  quae  percussa  est  in  die  plagae  propter  Peor.  10.  Tunc  loquutus  est  Iehova.  His  verbis  ostendit  Deus  se  autorem  fuisse  caedis  :  non  tamen  quia  hoc  modo  placatus  fuerit  erga  populum,  sed  ubi  zelum  Phinees  suum  vocat.  Quanquam  peraeque  conveniet  sive  passive  sive  active  accipias:  nempe  quod  Phinees  zelo  vindicandae  gloriae  Dei  fuerit  accensus,  vel  induerit  ipsius  Dei  affectum.  Utrumvis  placeat,  in  se  ipsum  transfert  Deus  quod  gestum  fuerit  a  Phinees.  Ubi  autem  se  placatum  fuisse  testatur  sumpta  poena,  ne  meritoriam  satisfactionem  imaginemur,  qua  fingunt  papistae  redimi  poenas  coram  Deo.  Etsi  enim  iustae  scelerum  vindictae  sacrificia  sunt  boni  odoris,  minime  tamen  piacula  sunt  ad  eum  reconciliandum.  Deinde  non  agitur  hic  de  compensatione,  sed  ratio  placandi  Dei  fuit,  quod  tam  severa  ultione  cohibita  fuit  populi  impietas,  quae  ad  iram  eius  inflammandam  quasi  flabellum  erat.  Itaque  in  Psalmo  106.  non  operi  Phinees,  sed  tantum  precationi  placatio  tribuitur,  quia  pro  iure  sacerdotali  supplex  intercesserit.  Interea  tamen  verum  est  illud  Pauli  (1.  Cor.  l  l  ,  31),  non  iudicari  a  Deo,  qui  sponte  se  ipsos  iudicant,  quia  sua  poenitentia  quodammodo  praeveniunt  eius  iudicium.  Merces  vero  promittitur  ipsi  Phinees,  sacerdotium  perpetuum.  Si  quis  obiiciat,  nihil  novum  hoc  modo  eum  consequi,  quia  iam  ex  legis  praescripto  certus  erat  patris  successor:  respondeo  non  esse  novum  ut  quod  iam  ante  gratis  pollicitus  est  Deus,  mercedis  nomine  se  daturum  pronunciet.  Sic  quod  Abrahae  dictum  fuerat  ante  natum  Isaac,  postquam  eum  mactare  paratus  fuit,  iterum  repetitur:  Quia  non  pepercisti  filio  tuo,  ideo  benedicam  tibi,  et  in  semine  tuo  benedicentur  omnes  gentes  (Gen.  22,  16  sq.).  Deinde  non  simpliciter  de  iure  unius  hominis  hic  agitur,  sed  de  successione  continua,  ac  si  promitteret  Deus,  nunquam  interiturum  eius  semen.  Et  certe  mutatio  quae  sub  principium  Solomonis  contigit,  huic  promissioni  non  repugnat:  quia  probabili  ratione  colligitur  Sadoc  non  minus  quam  Abiathar  fuisse  progenitum  ex  genere  Phinees.  Pactum