1:300  [A  13;  B  l  l  ;  C  l  l  .  cidium  universa  terrae  potentia  se  armavit:  et  in  fumum  abierunt  omnes  eius  conatus.  Quomodo  tam  valide  undequaque  impetita  restitisset,  nonnisi  humano  freta  praesidio?  Quin  magis  hoc  ipso  a  Deo  esse  convincitur,  quod,  reluctantibus  humanis  omnibus  studiis,  sua  tamen  virtute  usque  emerserit.  Adde  etiam  huc,  quod  non  una  civitas,  non  gens  una,  in  eam  recipiendam  et  amplexandam  conspiravit:  sed  quam  longe  lateque  patet  terrarum  orbis,  variarum  gentium,  quibus  alioqui  nihil  inter  se  commune  erat,  sancta  conspiratione  suam  autoritatem  adepta  est.  Porro  quum  plurimum  nos  movere  debeat  talis  convenientia  tam  diversorum  animorum,  et  rebus  omnibus  alioqui  inter  se  dissidentium,  quando  eam  nonnisi  coelesti  numine  conciliatam  apparet:  non  parum  tamen  gravitatis  illi  accrescit,  dum  intuemur  in  eorum  pietatem,  qui  sic  conveniunt;  non  omnium  quidem,  sed  quibus,  ceu  luminibus  fulgere  ecclesiam  suam  Dominus  voluit.  33.  Iam  quanta  securitate  nos  ei  doctrinae  nomen  dare  par  est,  quam  tot  sanctorum  virorum  sanguine  sancitam  ac  testificatam  videmus?  Illi  pro  semel  suscepta  non  dubitarunt  mortem  animose  et  intrepide,  atque  adeo  magna  alacritate  oppetere:  nos  cum  tali  arrhabone  ad  nos  transmissam,  qui  non  certa  et  inconcussa  persuasione  susciperemus?  Non  ergo  est  mediocris  scripturae  approbatio,  tot  testium  sanguine  fuisse  obsignatam;  praesertim  dum  reputamus,  eos  mortem,  ad  reddendum  fidei  testimonium,  oppetiisse,  non  fanatica  intemperie,  qualiter  interdum  erratici  spiritus  solent,  sed  firmo  constantique,  sobrio  tamen,  Dei  zelo.  Aliae  sunt  nec  paucae  nec  invalidae  rationes,  quibus  sua  scripturae  dignitas  ac  maiestas  non  modo  asseratur  piis  pectoribus,  sed  adversus  calumniatorum  technas  egregie  vindicetur,  sed  quae  non  satis  per  se  valeant,  ad  firmam  illi  fidem  comparandam,  donec  eius  reverentiam  coelestis  pater,  suo  illic  numine  patefacto,  omni  controversia  eximit.  Quare  tum  vere  demum  ad  salvificam  Dei  cognitionem  scriptura  satisfaciet,  ubi  interiori  spiritus  sancti  persuasione,  fundata  fuerit  eius  certitudo.  Quae  vero  ad  eam  confirmandam  humana  exstant  testimonia,  sic  inania  non  erunt,  si  praecipuum  illud  et  summum,  velut  secundaria  nostrae  imbecillitatis  adminicula,  subsequantur.  Sed  inepte  faciunt,  qui  probari  volunt  infidelibus,  scripturam  esse  verbum  Dei;  quod,  nisi  fide,  cognosci  nequit.  Merito  itaque  Augustinus,  qui  pietatem  et  pacem  mentis  debere  praecedere  admonet,  ut  de  tantis  rebus  aliquid  homo  intelligat.  1)  34.  Porro  qui,  repudiata  scriptura,  nescio  quam  ad  Deum  penetrandi  viam  imaginantur,  non  tam  errore  teneri  quam  rabie  exagitari  putandi  sunt.  Emerserunt  enim  nuper  vertiginosi  quidam,  qui  spi-  1)  De  utilitate  credendi,  passim.